अमेरिकेत मराठी माणूस पंतप्रधान? पृथ्वीराज चव्हाणांचा दावा|VIDEO

माजी मुख्यमंत्री पृथ्वीराज चव्हाण यांनी एक खळबळजनक दावा केला आहे. येत्या १९ डिसेंबरला अमेरिकेत काही गोपनीय स्फोट होणार आहे. ज्याचा भारतीय राजकारणावर मोठा परिणाम होऊ शकतो असे त्यांनी म्हटले आहे. त्यांच्या मते अमेरिकेत प्रसिद्ध होणाऱ्या एका यादीमुळे देशात राजकीय भूकंप होऊन पंतप्रधान बदलण्याची शक्यता आहे.

जर वरच्या पातळीवर बदल झाला, तर भाजपचा कुठलाही दुसरा नेता पंतप्रधान होऊ शकतो आणि त्यात मराठी माणूस पुढे आहे, असे भाकीत चव्हाणांनी वर्तवले आहे. यावेळी त्यांनी आगामी निवडणुकांच्या पार्श्वभूमीवर भाजप आणि राष्ट्रवादीच्या (अजित पवार गट) मैत्रीपूर्ण लढतीवरही भाष्य केले. तसेच पुण्यात महाविकास आघाडी म्हणून लढण्याची शक्यता असून मुंबईत मात्र मनसेला सोबत घेण्याचा प्रश्नच नसल्याचे त्यांनी स्पष्ट केले. स्थानिक स्वराज्य संस्थांच्या निवडणुकांमध्ये स्थानिक पातळीवर निर्णय घेतले जातील, असेही त्यांनी नमूद केले.