Nashik Earthquake : मोठी बातमी! नाशकात पुन्हा भूकंपाचे धक्के, स्थानिक नागरिक भयभीत

नाशिक : नाशिकमधून मोठी बातमी समोर आली आहे. नाशिकच्या पेठ, हरसुल, सुरगाणा भागात पुन्हा भूकंप धक्के जाणवले आहेत. अचानक धक्के जाणवल्यामुळे परिसरात भीतीचं वातावरण आहे. दोनदा भूकंपाचे धक्के जाणवले असल्याचं नागरिकांनी सांगितलं आहे. 2.4 आणि 3.3 रिश्टर स्केलमध्ये भूकंपाची नोंद करण्यात आली आहे.

नाशिकपासून जवळपास 30 किलोमीटर अंतरावर हे भूकंपाचे धक्के जाणवले आहेत. गेल्हा काही दिवसांपासून या परिसरात भूकंपाचे धक्के बसल्याचा प्रकार समोर आला आहे. वारंवार होणाऱ्या भूकंपामुळे स्थानिक नागरिक भयभीत झाले आहेत. दरम्यान, जमिनीखाली सतत होणाऱ्या हालचालीमुळे हे धक्के जाणवत असल्याच भूगर्भ शास्त्रज्ञाचे मत आहे. पेठ, हरसूल, सुरगाणा हे नाशिक जिल्ह्यातील आदिवासी बहुल तालुके आहेत. अचानक धक्के जाणवू लागल्याने या भागात भीतीचं वातावरण पसरलं आहे. या घटनेत अद्याप कोणतीही हानी न झाल्याची माहिती आहे.