Viral Video : गाड्या अडवल्या, बोनेटवर बसून धिंगाणा घातला; साताऱ्यात मद्यपी तरुणीचा धिंगाणा, Video व्हायरल

साताऱ्यात भर रस्त्यात एका तरुणीने दारू पिऊन धिंगाणा घातल्याची धक्कादायक बातमी समोर आली आहे. सदर घटना ही कराड-पाटण राज्यमार्गावर विजयनगर गावच्या हद्दीत मंगळवारी रात्री आठ वाजण्याच्या सुमारास घडली आहे. या घटनेने रस्त्यावर काही काळ वाहतूक ठप्प झाली होती. या सर्व प्रकारचा व्हिडीओ सोशल मिडीयावर व्हायरल झाला आहे.

समोर आलेल्या व्हिडिओनुसार, कराड-पाटण राज्यमार्गावर वाहनांची वर्दळ असताना मंगळवारी रात्री एका मद्यपी युवतीने विजयनगर येथील एमएससीबी चौकात धिंगाना घालण्यास सुरूवात केली. मोठं मोठ्याने आरडा ओरडा करत ही तरुणी रस्त्यावरून जाणाऱ्या गड्यांना, प्रवाशांना त्रास देत असल्याचे दिसून येत आहे.

शिवाय या तरुणीने रस्त्यावरून जाणाऱ्या एका गाडीला थांबवत त्या गाडीच्या बोनेटवर बसून धिंगाणा घातला. त्यानंतर तिने रस्त्याच्या मध्यभागी बसून अर्वाच्च भाषेत आरडा ओरडा केला. ही मद्यधुंद तरुणी दिसेल त्या वाहनाला लक्ष करून थांबवायची. याशिवाय येणाऱ्याजाणाऱ्या गाड्यांवर दगडफेक सुद्धा केली. याघटनेनंतर परिसरात मोठ्या प्रमाणावर खळबळ उडाली होती.

यादरम्यान या मार्गावरील वाहतूक देखील ठप्प झाली होती. या घटनेचा व्हिडिओ सोशल मीडियावर व्हायरल होत आहे. यानंतर घटनास्थळी असलेल्या काही नागरिकांनी या घटनेची माहिती पोलिसांना दिली. मिळालेल्या माहितीनुसार कराड शहर ठाण्याचे पोलिसांनी घटनास्थळी धाव घेतली. त्यानंतर पोलिसांनी मद्यधुंद तरुणीला ताब्यात घेत घटनास्थळावरील वाहतूक पूर्वरत केली.