Dombivali Vidhan Sabha : डोंबिवलीत मतदान केंद्रात ठाकरे पदाधिकारी कार्यकर्त्यांचा गोंधळ

अभिजित देशमुख 
डोंबिवली : विधानसभा निवडणुकीचे निकाल जाहीर होत असून डोंबिवली विधानसभा मतदारसंघात मतमोजणी सुरु असताना ठाकरे शिवसेनेच्या पदाधिकाऱ्यांनी गोंधळ घातला आहे. तसेच त्यांनी मतदान प्रक्रियेवर आक्षेप घेतला आहे. 

राज्याच्या विधानसभा निवडणुकीचे (Vidhan Sabha Election) निकाल हाती येत आहेत. बहुतांश मतदारसंघातील निकाल देत विजयी उमेदवारांची घोषणा करण्यात आली आहे. तर काही ठिकाणी अजूनही मतमोजणी सुरु आहे. त्यानुसार डोंबिवली (Dombivali) विधानसभा मतदारसंघात मतमोजणी सुरु असताना ठाकरे शिवसेनेच्या पदाधिकाऱ्यांनी गोंधळ घालत निवडणूक प्रक्रियेवर आक्षेप घेतला आहे. 

ठाकरे शिवसेनेच्या पदाधिकाऱ्यांनी २१ पैकी १८ मशीनमध्ये ९९ टक्के बॅटरी, चार मशीनचा नंबर टॅली होत नाही. तसेच एक मशीन नॉन वर्किंग असून याबाबत अर्ज देऊन देखील दखल घेतली जात नाही; असा आरोप केला आहे. तसेच मतांबरोबर खेळ करण्यात आला असून लोकशाहीचा खून झाला आहे. सत्ताधारी पक्षांला जिंकवण्यासाठी हे सगळं सुरू असल्याचा आरोप ठाकरे गटाच्या पदाधिकारी, कार्यकर्त्यांनी घेतला आहे.