Dhule Voting: पैसे वाटायला मतदान केंद्रावर आला, नागरिकांनी कानफटवलं; धुळ्यातील धक्कादायक घटना

धुळ्यातून धक्कादायक बातमी समोर आली आहे. धुळ्यामध्ये मतदान केंद्रावर पैशांचे वाटप करण्यात आल्याची घटना घडली. पैसे वाटणाऱ्या तरुणाला नागरिकांनी चांगलाच चोप दिला असून त्यांना पोलिसांच्या ताब्यात देण्यात आले आहे. मतदानाच्या दिवशीच मतदान केंद्रावर अशापद्धतीने पैशांची वाटप करण्यात आली आहे त्यामुळे खळबळ उडाली आहे.

हा तरुण कोणत्या पक्षाच्या वतीने हे पैसे वाटत होते याची माहिती अद्याप समोर आली नाही. पण ज्या कार्यकर्त्यांनी तरुणाला चोप दिला त्यांनी आरोप केला आहे की हा तरुण भाजपच्या वतीने पैसे वाटत होता. राड्यानंतर धुळ्यातील या मतदान केंद्रावर पोलिसांचा कडक बंदोबस्त तैनात करण्यात आला आहे.