हनुमान मंदिरावर वीज कोसळल्याची घटना समोर आली आहे. वीज कोसळल्याने हनुमान मंदिराचा काही भाग देखील कोसळला आहे.
वीज कोसळतेवेळी लहान मुले मंदिरात खेळत होती. परंतु सुदैवाने जीवित हानी टळली असून मंदिरात खेळणारी मुले सुखरूप बचावले आहेत.
शिरपूर तालुक्यातील भोयटी या गावात साडेतीन ते चार वाजेच्या दरम्यान ही घटना घडली, वीज मंदिरावर कोसळल्यानंतर मंदिराचा काही भाग कोसळता बघून परिसरात एकच खळबळ उडाली. (Latest Marathi News)
दुपारनंतर अचानक पावसाला सुरुवात झाल्यानंतर अचानक मोठा आवाज झाला आणि त्यानंतर मंदिराचा कळस कोसळताना नागरिकांच्या लक्षात आले की पडलेली वीज ही मंदिरावरच कोसळली आहे.
त्यानंतर या मंदिरामध्ये त्यावेळी मुलं खेळत असल्याचे लक्षात आल्यानंतर ग्रामस्थांनी मंदिराकडे एकच धाव घेतली, परंतु या दुर्घटनेमध्ये मुलं सुखरूप बचावली असून कुठल्याही प्रकारची जीवित हानी झाली नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.