Dhule crime : किरकोळ भांडणातून पत्नीचा खून; दारूच्या नशेत असलेल्या पतीचे कृत्य

Dhule News : सायंकाळी पत्नीने दारू पिऊन आलेल्या पतीला जाब विचारल्याचे रागातून ढकलू गायकवाड याने घरात असलेल्या धारदार भाजी कापण्याच्या विळ्याने पत्नीवर वार केले
Dhule Crime News
Dhule Crime NewsSaam tv

धुळे : दारूचे व्यसन असल्याने रोज घरी दारू पिऊन यायचा. पत्नीचा याला विरोध होता. दरम्यान दारू पिऊन आलेल्या पाटील दारू पिऊन का आलास? याबाबत विचारणा केली. याचा राग आल्याने दारूच्या नशेत असलेल्या पतीने पत्नीवर विळ्याने वार केला. यानंतर डोक्यात बॅटरी टाकून तिची हत्या केल्याची घटना धुळे जिल्ह्यातील पिंपळनेर परिसरात घडली. 

Dhule Crime News
Chandarpur Crime : चंद्रपूर जिल्हा हादरला; कापड दुकानात गोळीबार, कामगार जखमी

धुळे (Dhule) जिल्ह्यातील साक्री तालुक्यातील पिंपळनेरपासून जवळ असलेल्या धामणधर गावात ही घटना घडली असून, धाकलू चुनीलाल गायकवाड असे मारेकरी पतीचे नाव आहे. सायंकाळी पत्नीने दारू पिऊन आलेल्या पतीला जाब विचारल्याचे रागातून ढकलू गायकवाड याने घरात असलेल्या धारदार भाजी कापण्याच्या विळ्याने पत्नीवर वार केले. त्यानंतर घरात असलेली (Crime News) अवजड चार्जिंगची बॅटरी देखील मद्यपी पतीने पत्नीच्या डोक्यात मारल्याने या घटनेत पत्नीचा दुर्दैवी मृत्यू झाला आहे. 

Dhule Crime News
Nashik Crime : मित्रांनीच झोपेत असलेल्या मित्राला संपविले; नाशिकमधील घटनेचा उलगडा

पत्नीची हत्या करून रात्रभर तसाच झोपला 

रात्री नशेच्या भरात पतीने हे कृत्य केल्यानंतर झोपी गेला. परंतु रात्रभर घरात रक्ताच्या थारोळ्यात पत्नी तशीच पडून होती. दरम्यान आजूबाजूच्या नागरिकांना ही बाब सकाळी समजताच त्यांनी तिच्या नातेवाईकांना याबाबतची माहिती दिली, त्यानंतर मृत महिलेच्या भावाने घटनास्थळी धाव घेत बहिणीला रुग्णालयात नेले असता डॉक्टरांनी तिला मृत घोषित केले. याबाबत पिंपळनेर (Police) पोलिसांनी तात्काळ मारेकरी पतीच्या मुसक्या आवळल्या असून त्या विरोधात विविध कलमान्वये गुन्हा दाखल करण्यात आला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com