आंदोलक एसटी कर्मचाऱ्यांचे आई एकविराकडे साकडे

धुळे : आंदोलक एसटी कर्मचाऱ्यांनी आज धुळे (Dhule) शहरातील एकवीरा देवी मंदिरात जाऊन एकवीरा देवीचे दर्शन घेतले. येथे सर्व कर्मचारींनी आई एकवीरा देवीकडे विलगीकरणाबाबत साकडे घातले आहे. (dhule-news-The-agitating-ST-workers-approached-Ekvira-Devi)

एसटी महामंडळाचे राज्य शासनामध्ये विलगीकरण करण्यात यावे; यासाठी गेल्या महिन्याभरापासून धुळ्यातील सर्व एसटी कर्मचारी संपावर बसलेले आहेत. जोपर्यंत एसटी महामंडळाचे राज्य शासनामध्ये विलगीकरण होणार नाही, तोपर्यंत संप मागे घेणार नाही असा पवित्रा या आंदोलकांनी घेतला आहे. या पार्श्वभूमीवर गेल्या महिन्याभरापासून बंद असलेली एसटी सेवा पुन्हा सुरु करण्यासाठी एसटी महामंडळातर्फे सर्वतोपरी प्रयत्न केले जात आहेत.

देवीची केली आरती

राज्य शासनाला सद्बुद्धी येवो यासाठी या सर्व आंदोलक एसटी कर्मचाऱ्यांनी आज एकविरा देवी मंदिरात जाऊन एकवीरा देवीचे दर्शन घेत आरती केली आहे. तसेच या दरम्यान राज्य शासनाला लवकरात लवकर सद्बुद्धी देऊन एसटी महामंडळाचे राज्य शासनामध्ये विलगीकरण करण्यासाठी राज्य शासन पुढाकार घेवो; असे साकडे यावेळी या सर्व एसटी आंदोलक कर्मचाऱ्यांनी एकवीरा देवीकडे घातले आहे.