चंद्रकांत पाटलांच्‍या प्रतिमेला जोडे मारून निषेध; सुप्रिया सुळेंबद्दल वादग्रस्‍त विधानाचे पडसाद

धुळे : भाजपचे प्रदेश अध्यक्ष चंद्रकांत पाटील यांनी खासदार सुप्रिया सुळे यांच्याबद्दल केलेल्या वादग्रस्त विधानाचे पडसाद धुळ्यात उमटले. राष्ट्रवादी काँग्रेसच्या महिला आघाडीतर्फे धुळे (Dhule) महापालिकेच्या प्रवेशद्वारावर चंद्रकांत पाटील यांच्या प्रतिमेस जोडे मारून निषेध केला आहे. (dhule news Protest by wearing shoes on the image of Chandrakant Patil)

भाजपचे (BJP) प्रदेश अध्‍यक्ष तथा आमदार चंद्रकांत पाटील यांनी खासदार सुप्रिया सुळे (Supriya Sule) यांच्‍याबद्दल वादग्रस्‍त विधान केले. या विरोधामध्ये धुळ्यात राष्ट्रवादी काँग्रेस (NCP) पक्षाच्या महिला पदाधिकारी व कार्यकर्ते आक्रमक झाल्याचे बघावयास मिळाले. महिला आघाडीच्या पदाधिकाऱ्यांनी व कार्यकर्त्यांनी धुळे महानगरपालिकेच्या प्रवेशद्वारावर चंद्रकांत पाटील यांच्या प्रतिमेस जोडे मारून निषेध केला आहे.

भाजप नेत्‍यांना अपमान करण्याची सवयच का?

जमलेल्या राष्ट्रवादी काँग्रेस पक्षाच्या महिला पदाधिकाऱ्यांनी भाजप विरुद्ध बोलत असताना भाजपच्या नेत्यांना महिलांचा अपमान करण्याची सवयच झाली आहे का? असा संतप्त प्रश्न देखील यावेळी उपस्थित केला आहे. यावेळी जमलेल्या निषेधकर्त्या महिला पदाधिकाऱ्यांनी भाजपच्या विरुद्ध तसेच चंद्रकांत पाटील यांच्या विरोधामध्ये घोषणाबाजी करून निषेध व्यक्त केला.