खोलीचा अंदाज न आल्याने तरूणाचा तलावात बुडून मृत्यू

धुळे : शहराजवळ असलेल्या वडेल या गावाजवळील तलावामध्ये पोहोण्यासाठी गेलेल्या तीस वर्षीय तरुणाचा तलावात बुडून दुर्दैवी मृत्यू झाला. (dhule-news-drowned-in-the-lake-due-to-unpredictability)

पाऊस झाल्‍यामुळे नदी, तलाव पाण्याने भरले आहेत. यामुळे तलावात पोहण्यासाठी अनेक जण जात आहेत. त्‍यानुसार वडेल गावाजवळ असलेल्‍या तलावात पोहण्यासाठी गावातील काही तरूण गेले होते. सकाळी साडेनऊ वाजेच्या दरम्यान तलावात पोहण्यासाठी गेलेला दिलीप सोमा चव्हाण (वय ३०) तलावात उतरला. मात्र तलावातील पाण्याच्‍या खोलीचा अंदाज न आल्यामुळे त्‍याचा बुडून मृत्यू झाला.

नागरीकांची तलावाकडे धाव

सदर घटनेसंदर्भात परिसरामध्ये नागरिकांना या घटनेची माहिती समजताच रिसरातील नागरिकांनी पश्‍चिम देवपूर पोलिसांना या घटनेची माहिती दिली. घटनेची माहिती मिळताच पोलीस घटनास्थळी दाखल होत तरुणाचा मृतदेह स्थानिकांच्या मदतीने बाहेर काढण्यात आला आहे. यानंतर त्‍याचा मृतदेह शवविच्छेदनासाठी पाठविण्यात आला आहे.