Dhule News: तरुणाचे मृत्‍यू प्रकरण; मृतदेह पोलीस ठाण्यासमोर आणत नातलगांचा रास्ता रोको

धुळे : साक्रीतील (Sakri) सुजलॉन कंपनीतील तरुणाच्या मृत्यूनंतर कुटुंबीय आक्रमक झाले. कुटुंबीयांनी तरुणाचा मृतदेह ठेवलेले ॲम्बुलन्स निजामपूर (Police) पोलीस ठाण्यास समोर असलेल्या रस्त्यावर उभी करत रास्ता रोको सुरू केला. (Breaking Marathi News)

तरुणाच्या गुदद्वारातून प्रेशरने हवा भरल्‍याने तरूणाचा मृत्‍यू झाला. या मृत्यूस कारणीभूत ठरलेल्या मारेकऱ्यांपैकी एकाला (Dhule News) पोलिसांनी ताब्यात घेतले आहे. परंतु, आणखी फरार तिघांना ताब्यात घेऊन त्यांच्यावर कठोरात कठोर कारवाई करण्यात यावी; अशी मागणी मृत तरुणाच्या नातेवाईकांनी केली आहे. या मागणीसाठी नातेवाईक त्याचबरोबर ग्रामस्थ आक्रमक झाले असून ग्रामस्थांनी व नातेवाईकांनी पोलीस ठाण्या समोरच रास्ता रोको केला आहे.

निजामपूर पोलीस ठाण्यासमोर मोठ्या प्रमाणात आक्रोश हा नातेवाईकांकडून केला जात आहे. जोपर्यंत मारेकऱ्यांना पोलीस ताब्यात घेऊन त्यांच्यावर कठोरात कठोर कारवाई करत नाही, तोपर्यंत मृतदेह रस्त्यावरून हलवणार नाही; असा पवित्रा नातेवाईकांनी व ग्रामस्थांनी घेतल्याचे बघायला मिळत आहे.