सहायक कामगार आयुक्तांवर दलित महासंघचा राेष; हातावर चालत सांगलीत छेडलं आंदाेलन

सांगली : विविध मागण्यांच्या पुर्ततेसाठी सांगली (sangli) येथील दलित महासंघतर्फे आज (बुधवार) शहरात अनोख्या पद्धतीने आंदोलन करण्यात आले. येथील टाटा पेट्रोल पंप पासून उद्याेग भवन पर्यंत हातावर चालत हे आंदोलन छेडण्यात आले. (sangli latest marathi news)

या आंदाेलनाबाबत दलित महासंघाचे (dalit maha sangh) उत्तम कांबळे म्हणाले बहुजन समाजाला शासकीय अनुदान दिले जाते. पण सध्या ते मिळेनासे झाले आहे. सुमारे बाराशे कोटी रुपये (funds) पडून आहेत पण त्याचा विनीयाेगच केला जात नाहीये. त्यामुळे आम्ही हे आंदाेलन छेडले आहे.

सहायक कामगार आयुक्त कार्यालय केवळ नावालाच आणि कागदावरच आहे. प्रशासनास जाग आणण्यासाठी आजचे आंदाेलन (agitation) केले आहे. आगामी काळात अनुदान मिळाले नाही तर आयुक्तांना हातावर चालत लावायला लावू असा इशारा देखील दलित महासंघतर्फे उत्तम कांबळे यांनी दिला.

Edited By : Siddharth Latkar