लोणावळ्यात सायकल डे! अभिनेता सिद्धार्थ जाधवच्या हस्ते उद्घाटन...

मावळ: लोणावळा नगरपरिषदेच्या वतीने पर्यावरण संवर्धन, प्रदूषण, स्वच्छतेचा कानमंत्र घरोघरी पोहचावा यासाठी आज लोणावळ्यात सायकल डे चे (Cycle Day) आयोजन करण्यात आले आहे. सरकारच्या वतीने सुरू असलेल्या माझी वसुंधरा अभियाना अंतर्गत या उपक्रमाचे आयोजन करण्यात आले असून जनजागृती संदेश देत सायकल फेरी काढण्यात आली. (Cycle Day in Lonavala! Inauguration by actor Siddharth Jadhav)

हे देखील पहा -

अभिनेता सिद्धार्थ जाधव (siddharth jadhav) यांनी झेंडा दाखवून या सायकल रॅलीची (cycle rally) सुरुवात करण्यात आली. या रॅलीत लोणावळा (Lonavla) नगरपालिकेच्या नगराध्यक्ष सुरेखा जाधव, माजी नगराध्यक्ष श्रीधर पुजारी ही सहभागी झाल्या होत्या. यावेळी लहान मुलांसह, महिलांनी मोठ्या उत्साहात सहभाग घेतला होता. लोणावळा शहरातील प्रदूषण कमी व्हावे यासाठी नागरिकांनी आठवड्यातील किमान एक दिवस "नो व्हेईकल डे" पाळावा असे आवाहन देखील यावेळी करण्यात आले.

Edited By - Akshay Baisane