Lonar Dhareshwar Temple : गायमुख कुंड भाविकांसाठी खूला करा : लाेणारवासिय आक्रमक (पाहा व्हिडिओ)

Buldhana News : जगप्रसिद्ध लोणार सरोवरातील एकमेव भाविकांचे श्रद्धास्थान असलेल्या धार तीर्थ येथे प्राचीन काळापासून या धारेखाली भाविक स्नान करीत असतात. या स्नास पुरातत्व खात्याने मनाई केली आहे. या आदेशाच्या विराेधात आज (शनिवार) लोणारवासियांनी आंदाेलन छेडले आहे. (Maharashtra News)

लोणार सरोवर परिसरात असलेल्या पुरातन वास्तू व मंदिरे हे केंद्रीय पुरातत्त्व विभागाच्या देखरेखीखाली आहे. या परिसरातील धारेश्वर मंदिराच्या परिसरात एक गोमुख असून त्यातून वर्षभर पाणी पडत असते. त्यामुळे भाविक याठिकाणी पवित्र स्नान करण्यासाठी येत असतं. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गेल्या शेकडो वर्षांची ही परंपरा होती. कोरोना काळात या धारेश्र्वर स्नान पुरातत्व विभागाने बंद केले. याठिकाणी पर्यटकांना व भाविकांना जाण्यास बंदी केली आहे. त्यामुळे भाविकांना या तीर्थक्षेत्राचा पवित्र स्नान करता येत नाही.

ही बंदी उठवावी यासाठी अनेकदा (buldhana) नागरिकांनी, संघटनांनी निवेदन दिले. वेळप्रसंगी आंदोलन छेडले. मात्र पुरातत्व विभागाने स्नानासाठीची बंदी उठवली नाही. आता आज (शनिवार) भाविक आणि अनेक सामाजिक संघटना, शिवसेनेच्या ठाकरे गटाकडून व काही हिंदुत्ववादी संघटनांकडून पुरातत्व विभागाकडून घालण्यात आलेली बंदी उठविण्यात यावी या मागणीसाठी तीर्थस्थळी स्नान करुन आंदोलन छेडले. या आंदोलनात महिलांची संख्या देखील लक्षणीय राहिली.

Edited By : Siddharth Latkar