पोटच्या लेकांनी जन्मदात्या आईला लाथा-बुक्क्यांनी मारहाण करत दिल्या नरक यातना

बीड: पैशाच्या हव्यासापोटी कोणी कधी काय करेल? याचा नेम नाही. बीडच्या (beed) परळीमध्ये (Parli) असाच काहीसा धक्कादायक प्रकार समोर आल्याने संताप व्यक्त केला जात आहे. पैसे देण्यास नकार दिल्याने, चक्क पोटच्या मुलानेच जन्मदात्या आई- वडिलांना लाथाबुक्क्यांसह दगडाने मारहाण (Beating) केली आहे. ही संतापजनक घटना परळी तालुक्यातील खोडवा सावरगाव (Savargaon) येथे घडली आहे.

हे देखील पहा-

बाळासाहेब सूर्यभान जाधव (वय-35) रा. खोडवा सावरगाव ता. परळी असे आरोपीचे नाव आहे. सूर्यभान जाधव (वय-65) असे मारहाण झालेल्या वडिलांचे नाव आहे. वडील सूर्यभान जाधव यांनी दिलेल्या फिर्यादीमध्ये सांगितले आहे की, मुलाने आईकडे पैशाची मागणी केली होती. यावेळी तिने पैसे देण्यास नकार दिला होता. यामुळे संतापलेल्या मुलाने आईला लाथाबुक्क्याने मारहाण (Beating) केली.

हे कळाल्यानंतर मी तेथे गेले. तेव्हा मलाही त्याने मारहाण केली, अशी फिर्याद वडील सूर्यभान जाधव यांनी दिली आहे. दरम्यान याप्रकरणी परळी ग्रामीण (Rural) पोलीस ठाण्यात आरोपी मुलावर गुन्हा दाखल झाला असून पोलीस आरोपी मुलाचा शोध घेत आहेत.

Edited By- Digambar Jadhav