नवनीत तापडिया, प्रतिनिधी....
Chhatrapati Sambhajinagar News: छत्रपती संभाजीनगरमधून एक धक्कादायक बातमी समोर आली आहे. छत्रपती संभाजीनगरच्या वैजापूरमध्ये पोलिसांवर जमावाने जीवघेणा हल्ला केल्याची घटना घडली आहे. आरोपींना ताब्यात घेण्यासाठी गेले असता हा प्रकार घडला असून या प्रकरणात १० जणांवर गुन्हा दाखल करण्यात आला आहे.
याबाबत अधिक माहिती अशी की, पोलीस भरती घोटाळ्यातील आरोपींना ताब्यात घेण्यासाठी मुंबई पोलिस (Mumbai Police) दलातील कर्मचारी छत्रपती संभाजीनगरच्या वैजापूरमध्ये गेले होते. यावेळी पोलिसांवर जमावाकडून जीवघेणा हल्ला करण्यात आला. यावेळी पोलीस पथकावर हल्ला करत ताब्यातील दोन संशयित आरोपींना पळवून देखील नेल्याचे समोर आले आहे.
रात्री दोन वाजण्याच्या सुमारास ही घटना घडली असून 30 ते 35 जणांनी लाठ्या काठ्या घेऊन हा हल्ला केल्याचे सांगण्यात येत आहे. या प्रकरणाने परिसरात एकच खळबळ उडाली आहे. (Latest Marathi News)
१० जणांवर गुन्हा दाखल...
दरम्यान, मुंबई पोलिसांच्या तक्रारीवरून वैजापूर (Vaijapur Police Crime) पोलिसात एकूण 10 लोकांवर गुन्हा दाखल करण्यात आला आहे. तसेच या सर्व हल्लेखोरांचा तपास घेत आहेत. थेट पोलिसांवर हल्ला केल्याने या घटनेविरोधात संताप व्यक्त केला जात आहे. (Crime News)
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
