- नवनीत तापडीया
Chhatrapati Sambhaji Nagar Crime News : प्रेमसंबंधातुन आंतरजातीय विवाह केलेल्या पत्नीस वर्षभरानंतर मुलगी होताच माहेरी सोडून देण्यात आल्याचा प्रकार उघडकीस आला आहे. या प्रकरणी क्रांतीचौक पोलिस ठाण्यात ॲट्रॉसिटीसह कौटुंबिक छळाचा गुन्हा पतीसह सासरच्या लोकांच्या विरोधात नोंदविण्यात आला आहे. (Maharashtra News)
पीडितेने प्रेमसंबंधानंतर अमेयकुमार या युवकासमवेत 24 मे 2021 रोजी नोंदणी पद्धतीने विवाह केला. पीडिता अनुसूचित जातीतील असल्यामुळे अमेयकुमारच्या कुटुंबांनी लग्नानंतर त्यांना घरात घेण्यास नकार दिला.
त्यानंतर वारंवार तिला त्रास देत, फ्लॅट खाली करण्यास सांगितले. यातच पीडितेने 16 जुन 2022 रोजी एका मुलीला जन्म दिला. मुलगी झाल्याची माहिती सासरच्यांना झाल्यानंतर त्यांनी नाराजी व्यक्त करीत पुन्हा नांदवायला नेण्यास नकार दिला.
पीडितेने क्रांतीचौक पोलिस ठाणे गाठून चौघांच्या विरोधात तक्रार दाखल केली. त्यानूसार पाेलिसांनी चाैघांवर गुन्हा नोंदवला.
पाेलिसांनी दिलेल्या माहितीनूसार युवतीच्या तक्रारीवरुन पती अमेयकुमार नितीनचंद्र पाटील, सासरा नितीनचंद्र रामचंद्र पाटील यांच्यासह दोन महिलांवर ॲट्रॉसिटी अंतर्गत गुन्हा दाखल करण्यात आला आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
