Maharashtra Politics : जिल्हाप्रमुख विकणे आहे, ठाकरे सेनेचं होर्डिंग; राजकीय चर्चांना उधाण, VIDEO

10 ते 25 लाख रुपयात जिल्हाप्रमुख विकणे आहे... या आशयाचं हे होर्डिंग लागलेत चंद्रपूरच्या वरोरा आणि भद्रावती शहरात.....याच होर्डिंगमुळे राजकीय चर्चांना उधाण आलंय....

खरंतर या होर्डिंगसाठी कारण ठरलंय ठाकरे सेनेचे जिल्हाप्रमुख रवींद्र शिंदेंनी भाजपात केलेला पक्षप्रवेश.....रवींद्र शिंदे हे संजय राऊतांचे निकटवर्तीय.. स्थानिक पदाधिकाऱ्यांचा विरोध असतानाही रवींद्र शिंदेंना जिल्हाप्रमुख पद देण्यात आल्याची चर्चा रंगली होती..त्यानंतर अनेक पदाधिकाऱ्यांनी ठाकरेंची साथ सोडत शिंदे सेनेत प्रवेश केला होता...मात्र आता रवींद्र शिंदेंनीच पक्ष सोडल्यानंतर शिंदे सेनेने होर्डिंग लावून संजय राऊतांना डिवचलंय.. 10 ते 25 लाख रुपये घेऊन जिल्हा प्रमुखपद विकण्यात आल्याचा आरोप होर्डिंगमधून करण्यात आलाय....

शिवसेनेच्या फुटीनंतर 50 खोके एकदम ओके म्हणत शिंदे सेनेच्या आमदारांवर हल्लाबोल केला जात होता... मात्र आता जिल्हा प्रमुख पदासाठी 10 ते 25 लाख घेतले जात असल्याचा आरोप करण्यात येतोय.. त्यामुळे पदांसाठी पैसे देणं घेणं स्थानिक पातळीपर्यंत झिरपलं आहे का? याचीच चर्चा राजकीय वर्तुळात सुरु आहे....