मुंबई : आज देशाच्या काही भागात जोरदार पाऊस होण्याची शक्यता हवामान खात्याने वर्तवली आहे. ओडिशा, छत्तीसगढ, पश्चिम बंगालचा काही भाग, झारखंड, दक्षिण राजस्थान, तेलंगणा आणि महाराष्ट्राच्या काही भागात जोरदार पाऊस होण्याचा अंदाज व्यक्त करण्यात आला आहे. महाराष्ट्रातील विदर्भ आणि मुंबई क्षेत्रामध्ये मुसळधार पावसाचा अंदाज वर्तवण्यात आला आहे.
हे देखील पहा-
बंगालच्या खाडीवर चक्रवाती परिसंचरण विकसित होणार असून, ते जसे- जसे गतीमान होणार आहे. तसे- तसे राज्यातील विविध भागातमध्ये पावसाला सुरूवात होण्याची शक्यता वर्तवली आहे. सर्वात अगोदर विदर्भात काही भागात पावसाला सुरूवात होणार आहे. तर राज्याच्या उत्तर भागात प्रामुख्याने पाऊस होण्याची शक्यता व्यक्त करण्यात आली आहे.
यानंतर पालघर, ठाणे आणि मुंबईच्या काही भागात मोठ्या प्रमाणावर पाऊस होण्याची शक्यता आहे. हवामान खात्याच्या अंदाजानुसार, कोकण विभागातील पालघर जिल्ह्यात आजपासून, तर मुंबई, ठाणे, रायगड जिल्ह्यांत उद्या म्हणजेच २१ आणि २२ सप्टेंबरला काही भागात मुसळधार पावसाचा अंदाज व्यक्त करण्यात आला आहे.
उत्तर- मध्य महाराष्ट्रातील नाशिक, धुळे, नंदुरबार, जळगाव या जिल्ह्यांत आजपासून ३ ते ४ दिवस विजांच्या कडकडाटासह काही भागांत मुसळधार पाऊस होण्याची शक्यता आहे. तिकडे पुणे जिल्ह्यात आणि मराठवाड्यातील औरंगाबाद, परभणी, जालना, बीड, हिंगोली, नांदेड जिल्ह्यांत बुधवारपासून, तर विदर्भातील अकोला, अमरावती, भंडारा, गोंदिया, नागपूर, वाशिम, यवतमाळ जिल्ह्यांत काही भागांत आज आणि उद्या मुसळधार पावसाचा अंदाज व्यक्त करण्यात आला आहे.
Edited By- Digambar Jadhav
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.