सोलापूर: माढ्याचे खासदार रणजितसिंह नाईक- निंबाळकर (Ranjeet singh Nimbalkar), भाजपा जिल्हाध्यक्ष श्रीकांत देशमुख, माजी मंत्री लक्ष्मणराव ढोबळे यांच्यासह अन्य बरा जणांवर सोलापुरात गुन्हा दाखल झाला आहे. सोलापुरातील छत्रपती संभाजी महाराज चौकात काल केलेल्या शक्तिप्रदर्शनामुळे भाजपा पदाधिकाऱ्यांवार गुन्हा दाखल झाला आहे. शिवसेना जिल्हा प्रमुख पुरुषोत्तम बरडे यांना प्रतिउत्तर देण्यासाठी भाजपा जिल्हाध्यक्षांनी शक्तिप्रदर्शन केले होते. मात्र, कोरोना विषयक नियमांचे उल्लंघन केल्याप्रकरणी सोलापुरातील फौजदार चावडी पोलीस स्टेशनमध्ये गुन्हा दाखल करण्यात आला आहे.
दरम्यान मागील काही दिवसांपासून सोलापूरात भाजपा आणि शिवसेना आमने सामने आलेले पाहायले मिळाले. काल भाजप जिल्हाध्यक्षांच्या वतीने शक्तीप्रदर्शन केले त्यात खासदारांचा देखील समावेश होता. त्यामुळे मागील गोष्टींचा रोश काढण्यासाठी शिवसेनेने तक्रार केली का? असा प्रश्न आता उभा राहिला आहे. खासदार आणि जिल्हाध्यक्षांवर गुन्हा दाखल झाल्यामुळे जिल्हात भाजप कार्यकर्तांमध्ये तणावाचे वातावरण असल्याचे पाहायला मिळत आहे.
Edited By: Pravin Dhamale
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.