Buldhana News: मोटार सायकलने जाताना मधमाशांचा हल्ला; इसमाचा उपचारादरम्यान मृत्यू

बुलढाणा : जिल्ह्यातील खामगाव तालुक्यात गारडगाव फाट्यानजीक एका मोटारसायकलस्वारावर अचानक मधमाशांनी हल्ला केला. या हल्ल्यात गंभीर जखमी झालेल्या इसमाला खामगावच्या सामान्य रुग्णालयात (Hospital) उपचारार्थ दाखल करण्यात आले होते. मात्र उपचारादरम्यान या इसमाचा मृत्यू (Death) झाला आहे. (Tajya Batmya)

मधमाशांच्या हल्ल्यात या इसमाचा मृत्यू झाला आहे. जगन्नाथ देवळे असं या मृत इसमाचे नाव असून तो अंत्रज गावचा रहिवासी आहे. मधमाशांनी अचानक केलेल्या हल्ल्यात सदर इसम गंभीर जखमी झाला होता. मोठ्या संख्येत या मधमाशांनी या 65 वर्षीय इसमावर हल्ला चढवल्याने परिसरात एकच खळबळ माजली होती.

तात्काळ रुग्णालयात दाखल परंतु..

दुचाकीवरून जात असलेल्‍या इसमावर मधमाशांनी अचानक हल्‍ला केला. या हल्‍ल्‍यात जगन्‍नाथ देवळे हे खाली पडले. हे पाहून स्‍थानिक नागरीकांनी या इसमास तात्काळ रुग्णालयात दाखल केले. परंतु उपचारादरम्यान या इसमाचा आता मृत्यू झाला आहे.