Buldhana Accident : भरधाव दुचाकी बसला धडकली; एकाचा जागीच मृत्यू, एकजण गंभीर जखमी

संजय जाधव 

बुलढाणा : विरुद्ध दिशेने येत असलेल्या बसवर दुचाकी समोरून धडकली. या अपघातात दुचाकीवरील एकाचा जागीच (Death) मृत्यू झाला. तर अन्य एकजण गंभीर जखमी झाला आहे. हा अपघात (Buldhana) बुलढाणा- मोताळा मार्गावर असलेल्या मूर्ती फाट्यानजीक घडला.

बुलढाणा- मोताळा मार्गावर दोन मित्र दुचाकीने जात होते. यावेळी भरधाव वेगात असलेली मोटरसायकल नियंत्रित न झाल्याने विरुद्ध दिशेने येणाऱ्या बसला समोरून जोरदार धडक दिली. या भीषण (Accident) अपघातात मोटरसायकलस्वार वैभव समाधान गणगे याचा जागीच मृत्यू झाला. तर त्याच्या सोबत असलेला मित्र गंभीर जखमी झाला आहे. जखमीला तात्काळ जवळच्या रुग्णालयात उपचारासाठी दाखल करण्यात आले आहे. 

लग्नासाठी जात होते दोन्ही मित्र 

वैभव आणि त्याचा मित्र मोटार सायकलने (Malkapur) मलकापूरककडे एका लग्नानिमित्त जात होते. त्याच वेळी समोरून येणाऱ्या बसवर जाऊन आदळल्याने अपघात झाला. या अपघाताची माहिती मिळताच आमदार संजय गायकवाड हे अपघातस्थळी आले. त्यांनी जखमीला तातडीने जिल्हा सामान्य रुग्णाल्यात भरती केले आहे.