बुलढाण्यात दोन दिवसांत दोन बेवारस नवजात शिशु आढळल्याने खळबळ

बुलढाणा : जिल्ह्यात काल आणि आज २ वेगवेगळ्या ठिकाणी बेवारस नवजात बालक आढळल्याने खळबळ उडाली आहे. अनेक शंका कुशंकाना वाव मिळत आहे. यामुळे आता मानवी मानसिकतेवरच प्रश्नचिन्ह उभं राहतं आहे. मागील २४ तासात बुलढान्यातील जळगाव जामोद आणि मलकापूर शहरातील परिसरात २ बेवारस नवजात शिशु आढळल्याने नागरिकांत शंका कुशंका उभ्या राहत आहेत.

काल सकाळी जळगाव जामोद शहरानजीक एका ट्रॅक्टरच्या ट्रॉलीमध्ये बेवारस परिस्थितीत फेकून दिलेलं स्त्री जातीच बाळ शेतात जाणाऱ्या महिलांना दिसून आले आहे. पोलिसांनी तात्काळ या बाळाला प्रथम जळगाव मामोड ग्रामीण रुग्णालयात उपचार करून नंतर खामगाव सामान्य रुग्णालयात भरती केले आहे. जळगाव जामोद पोलिसांनी गुन्हा नोंद करून, या बाळाच्या आई वडिलांचा शोध सुरू केले आहेत.

हे देखील पहा-

या घटनेला २४ तास उलटत नाहीत तर, आज सकाळी मलकापूर शहरातील एका बंद पडलेल्या कोविड सेंटरच्या मागच्या निर्जन जागी ड्रेनेज टॅंक मध्ये मॉर्निंग वॉकला जाणाऱ्या नागरिकांना रडण्याचा आवाज आलयाने, जाऊन बघितले असता तर एक पुरुष जातीच नुकतेच जन्माला आलेलं बाळ बेवारस आढळून आले आहे. या बाळाला तात्काळ मलकापूर सामान्य रुग्णालयात भरती केलं, असून मलकापूर शहर पोलीस याचा तपास करत आहेत.

मागील दीड वर्षांपासून कोरोना आणि लॉकडाऊन यामुळे लाखो लोक बेरोजगार झाली आहेत. काम नसल्याने, गरिबांचे हाल होत आहेत. यामुळे स्वतःच पोट भरने अवघड असल्याने, आता या झालेल्या बाळाचं कस होईल या विवंचनेतून अशा घटना वाढल्याचे काही या क्षेत्रात काम करणाऱ्या समाजसेवकांना वाटत आहे. तर काही बाबीत अनैतिक संबंधातून जन्माला आलेल्या बाळाला असे बेवारस फेकून दिले जात असल्याचे समोर येत आहे. या दोन्ही घटनेत जळगाव जामोद आणि मलकापुर पोलिसांनी गुन्हे दाखल केले, असून या दोन शिशु पालकांचा शोध घेत आहेत.

Edited By- Digambar Jadhav