Amravati: कोंडेश्वर वीटभट्टीवर महसूलची धडक कारवाई, अतिक्रमित झाेपड्याही जमीनदाेस्त; काेट्यावधींच्या नुकसानीचा वीटभट्टी मालकांचा दावा

- अमर घटारे

अमरावतीच्या लगत असलेल्या कौडेश्वर वीटभट्टीवर आज महसूल विभागाने कारवाईचा बडगा उगारला. महसूल विभागाने वीटभट्टीवर जेसीबी चालवत वीटभट्टी तोडल्या तसेच कामगारांसाठी बांधण्यात आलेल्या झोपड्याही पाडून टाकल्या. ही कारवाई चुकीची असून यामध्ये काेट्यावधींचे नुकसान झाल्याचा दावा वीटभट्टी मालक करु लागले आहेत. (Maharashtra News)

कौडेश्वर वीटभट्टीवर आज अचानक महसूल विभागाने कारवाई सुरु केली. यासाठी जेसीबीसह अन्य यंत्रणा आणली हाेती. ही कारवाई करण्यापूर्वी वीटभट्टी मालकांनी आम्हांला कोणत्याही प्रकारची नोटीस दिली गेली नसल्याचे म्हणणे मांडले. परंतु त्यास प्रशासनाने दाद दिली नाही.

कोंडेश्वर येथील 70 वीटभट्टी आहेत. तेथे शेकडो वीटभट्टी कामगार काम करत असतात. आज झालेल्या कारवाईमुळे वीटभट्टीची नासधूस झाली तसेच वीटभट्टी मालकांचे कोट्यवधी रुपयांचे नुकसान झाल्याचे सांगण्यात येत आहे. दरम्यान येत्या 20 मे पर्यंत वीटभट्टी खाली करा अशी सूूचना अमरावती महसूल विभागाने वीटभट्टी मालकांना केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar