Today Marathi News : जालना जिल्ह्यात मुसळधार पाऊस, घनसावंगी तालुक्यातील शेवगाव येथील नदीला पूर

जालना जिल्ह्यात आज सर्वदूर पावसाने दमदार हजेरी लावली घनसावंगी तालुक्यातल्या शेवगाव येथे आज जोरदार पाऊस बरसल्याने नदीला पूर आलाय. या पुरामुळे रांजणी घनसावंगी रोड वरच्या पुलावरून पाणी वाहू लागलंय. जिल्ह्यातील बदनापूर अंबड घनसावंगी या तालुक्यात गेल्या तीन दिवसापासून जोरदार पाऊस बरसत असून यामुळे बळीराजा सुखावला आहे.

अरुंधती रॉय यांच्या विरोधात UAPA अंतर्गत खटला चालवण्याची दिल्लीचे नायब राज्यपाल विनय कुमार सक्सेना यांनी दिली परवानगी. अरुंधती रॉय आणि काश्मीरचे माजी प्राध्यापक शेख शौकत हुसेन यांच्यावर 2010 मध्ये एका कार्यक्रमात कथित प्रक्षोभक भाषण केल्याचा त्यांंच्यावर आरोप आहे.

आषाढी वारीच्या बैठकीत घेतलेला महत्वाचा निर्णय

दौंड येथील प्रस्तावित कत्तलखाना रद्द करण्याचा निर्णय

मुख्यमंत्री एकनाथ शिंदे यांनी वारकऱ्यांची आग्रही मागणी केली मान्य

दौंड येथील कत्तलखाना रद्द करण्यासाठी बंडातात्या कराडकर हे आंदोलनाच्या पवित्र्यात होते.

या कत्तलखान्यामुळे भीमा आणि इंद्रायणी नदी अपवित्र होईल अशी वारकऱ्यांचे म्हणणे होते.

रत्नागिरी - अनुस्कुरा घाट अखेर सर्व प्रकारच्या वाहतुकीसाठी खुला

घाटातील दरड हटविण्यात प्रशासनाला यश

घाटातील मोठा दगड ब्लास्टिंग करून करण्यात आला बाजूला

दुपारी दुचाकी आणि छोट्या चारचाकी वाहनांसाठी एकेरी वाहतूक सुरू करण्यात आली होती

आता सर्व दरड हटविण्यात आल्याने रस्ता सर्व प्रकारच्या वाहनांसाठी करण्यात आला खुला

वाशिमच्या मंगरूळपीर तालुक्यांतील जनुना, मोहरी, गिंभा, खडी, पोटी, बेलखेड परिसरात ढगफुटी सदृश्य पाऊस...

मोहरी येथे ढगफुटी सदृश्य पावसामुळे संत्रा पीक, भाजीपाल्याचे मोठं नुकसान..

अवघ्या तासभराच्या पावसाने पेरणीकरीता तयार केलेली शेते पार खरडून गेली..

कंपनी मालकाकडून 25 लाखाचा निधी असलेले चेक वाटप सुरू

तहसीलदार यांनी आणलेले चेक माजी गृहमंत्री अनिल देशमुख आणि माजी जीप अध्यक्ष सुनीता देशमुख यांच्या हस्ते मृतकाचं कुटुंबियांना चेक वाटप

कंपनी कडून आलेले चेक तहसील यांनी आणले नंतर वाटप झाले आहे..

संभाजीनगर वैजापूर तालुक्यात वीज पडून एक जण ठार तर तीन जण गंभीर जखमी

मुसळधार पाऊस आल्यानंतर शेतात एकत्र बसलेल्या चौघांवर वीज पडली

मराठवाड्यात १४ दिवसात वीज पडून २० पेक्षा अधिक जणांचा मृत्यू

पावसाळ्यात वीज पडण्याचे संकट मराठवाड्याच्या शेतकऱ्यांच्या डोक्यावर

वैजापूर तालुक्यातील शिवराई येथील घटना

कर्नाटकचे माजी मुख्यमंत्री बी एस येडियुरप्पा यांना कर्नाटक हायकोर्टाचा मोठा दिलासा

फास्ट ट्रॅक कोर्टाने अटक वॉरंट जारी केलेल्या निर्णयाला कोर्टाने दिली स्थगिती

पुढील सुनावणी पर्यंत येडियुरप्पा यांना अटकेपासून दिलासा

न्यायालयाला दिलेल्या आश्वासनानुसार येडियुरप्पा यांना १७ जून रोजी CID समोर तपासासाठी हजर राहाव लागणार

कोल्हापूर जिल्ह्यातील दाजीपूर इथं मालवणहून पुण्याला जाणारी एसटी बस झाली पलटी

वळणाचा अंदाज न आल्याने चालकाचा बसवरील सुटला ताबा

या अपघातात पाच प्रवासी जखमी तर एसटीचं मोठं नुकसान

विधिमंडळाचं पावसाळी अधिवेशन २७ जून ते १२ जुलै दरम्यान होणार आहे. अधिवेशनात पुन्हा मराठा आरक्षणाचा मुद्दा गाजण्याची शक्यता आहे.

राज्यात शाळा सुरू होण्याचे वेध लागले आहेत. अशातच सांगोला तालुक्यातील जिल्हा परिषद शाळेत १३० शिक्षक कमी आहेत. त्यामुळे तालुक्यातील काही शाळा बंद होण्याच्या मार्गावर आहेत. याच मुद्द्यावर आज सांगोला येथे गटशिक्षण अधिकारी कार्यालयास संतप्त पालकांनी टाळे ठोकले.

शिवसेना शिंदे गटाचे नवनिर्वाचित खासदार संदीपान भूमरे यांनी आज आमदारकीचा राजीनामा दिला. मुख्यमंत्री एकनाथ शिंदेच्या उपस्थितीत विधानसभा अध्यक्ष राहुल नार्वेकरांकडे दिलं राजीनाम्याचं पत्र.

मानवी तस्करी, सट्टेबाजी आणि सायबर फ्रॉड प्रकरणी नाशिकमधून एकाला अटक

सुदर्शन दराडे असं अटक केलेल्या व्यक्तीचे नाव

थायलंड, कंबोडिया, व्हिएतनाममध्ये अवैध पद्धतीने मानवी तस्करी, सायबर फ्रॉड, सट्टेबाजी आणि अन्य गुन्ह्यांमध्ये सहभाग असल्याचे निष्पन्न झाल्यानंतर NIA ची कारवाई

मुख्यमंत्री एकनाथ शिंदे विधानभवनात पोहचले असून थोड्याच वेळात विधीमंडळ कामगाज सल्लागार समितीची होणार बैठक. ५ आठवडे पावसाळी अधिवेशन कालावधी असावा अशी अनेक आमदारांची इच्छा व्यक्त केली आहे.

जालना आर्थिक गुन्हे शाखेने मोठी कारवाई केली आहे. व्यापाऱ्याची फसवणूक करणाऱ्या आरोपीकडून तब्बल 45 लाख रुपये जप्त केले आहेत. २५० कोटींचे कर्ज देतो म्हणत जालन्यातील व्यापाऱ्याला अडीच कोटींचा गंडा घातला आहे.

मृतदेह असलेल्या रुग्णवाहिका चामुंडा कंपनीच्या गेट समोर नेण्यात आल्या आहेत. मात्र ग्रामस्थ आक्रमक झाले असून नागपूर अमरावती महामार्ग रोखून धरला आहे. जोपर्यंत चेक मिळत नाही तोपर्यंत अंत्यसंस्कार होऊ देणार नाही अशी भूमिका गावकऱ्यांनी घेतली आहे.

दिल्ली वरून आल्यानंतर मी एका हॉस्पिटल कामानिमित्त गेलो होतो. त्यावेळी रस्त्यात काहींनी हात केला आणि सत्कार केला तो पर्यत तो व्यक्ती कोण होता मला माहीत नाही, मी अशा व्यक्तींना जवळ करत नाही, नंतर मला पार्श्वभूमी समजली ही भेट नियोजित नाही तर अपघाताने घडली. अजित पवार गटाकडे काही बोलायला नाही म्हणून ते बोलत असल्यांच नवनिर्वाचित खासदार निलेश लंके यांनी म्हटलं आहे.

कोल्हापूर आणि कोकणाला जोडणारा अनुस्कुरा घाट गेल्या 18 तासापासून बंद आहे. अनुस्कुरा घाटात दरड कोसळली आहे. प्रशासनाकडून दरड हटवण्याचे काम युद्ध पातळीवर सुरू आहे. मोठे दगड ब्रेकरच्या साह्याने तोडून रस्त्यावरून हटवण्याचे काम सुरू आहे.

हिंगोलीच्या सेनगाव तालुक्यात पावसाने हजेरी लावली आहे, गेल्या तीन दिवसात या भागात दमदार पाऊस कोसळत असल्याने शेतकऱ्यांना पेरणीसाठी पोषक वातावरण तयार झाले आहे.

नागपुरातील चामुंडा एक्सप्लोसिव्ह ब्लास्ट प्रकरणी कंपनीचे मालक शिव शंकर खेमका यांना हिंगणा पोलिसांनी ताब्यात घेतलं. संचालक आणि व्यवस्थापक यांच्याविरोधात गुन्हा दाखल करण्यात आला आहे. मनुष्यवध, मृत्यूस कारणीभूत ठरल्या प्रकरणी गुन्हा दाखल करण्यात आला आहे.

छगन भुजबळांच्या नाराजीच्या चर्चेवर अजित पवार काय म्हणाले?

छगन भुजबळ, प्रफुल पटेल, सुनील तटकरे यांनी सांगितलं आहे की, कोणीही नाराज नाही.

विरोधक किंवा आमचे जवळचे मित्र असून त्यांनी बातम्या पेरल्या आहेत.

डोंबिवली पश्चिमेकडील शास्त्री नगर परिसरातील धक्कादायक घटना समोर आली आहे. वसंत निवास इमारतीमधील एका फ्लॅटमध्ये वयोवृद्ध महिलेचा मृतदेह सापडला आहे. आशा रायकर (65 )असे या मृत महिलेचे नाव आहे. हत्या की अपघात ? विष्णू नगर पोलिसांचा तपास सुरू आहे.

कर्नाटकचे माजी मुख्यमंत्री बी एस येडियुरप्पा यांना जेल की बेल याचा निर्णय आज होणार आहे.

फास्टट्रॅक कोर्टाने काल येडियुरप्पा यांच्या विरोधात अटक वॉरंट जारी केलं होतं.

कोर्टाच्या त्या निर्णयाविरोधात येडियुरप्पा यांनी हायकोर्टात धाव घेतली आहे.

येडियुरप्पा यांच्यावर अल्पवयीन मुलीचे लैंगिक शोषण केल्याचा आरोप आहे.

नीट परीक्षा घोटाळा प्रकरण सुप्रीम कोर्टाचं भाष्य

सगळ्या याचिका सुप्रीम कोर्टाने एकत्र केल्या आहेत.

सुप्रीम कोर्टाने counselingवर बंदी घालण्यास नकार दिला आहे.

CBI चौकशीची मागणी करणारी याचिका फेटाळणार नाही, असेही कोर्टाने म्हटलं आहे.

कल्याणमधील किल्ले दुर्गाडीच्या बुरुजाचा भाग ढासळला आहे गुरुवारी झालेल्या पावसामुळे मध्यरात्रीच्या सुमारास बुरुजाचा भाग ढासळला.छत्रपती शिवाजी महाराजांनी हा किल्ला उभारला होता. या किल्ल्याच्या दुरुस्तीसाठी सरकारनेही निधी दिला होता.

मुख्यमंत्री एकनाथ शिंदे आणि देवेंद्र फडणवीस यांनी ट्विटर माध्यमातून राज ठाकरे यांना वाढदिवसाच्या शुभेच्छा दिल्या आहेत.

कोल्हापूर कोकणाला जोडणारा अनुस्कुरा घाट गेल्या 16 तासापासून बंद आहे. घाटमाथ्यावर मुसळधार पाऊस पडत असल्याने दरड कोसळल्याने अनुस्कुरा घाट बंद झाला आहे. अनुस्कुरा घाटातील दरड काढण्याचे युद्ध पातळीवर काम सुरू आहे.

मनसे अध्यक्ष राज ठाकरे जुलै पासून महाराष्ट्र दौऱ्यावर जाणार आहेत. 'एकला चलो रे' च्या बैठकीतील निर्णयानंतर राज ठाकरे महाराष्ट्रातील स्थितीचा आढावा घेणार असल्याची माहिती मिळत आहे.

पूर्व विदर्भात दाखल झालेल्या मान्सूनची नागरिकांना अजूनही प्रतीक्षाच आहे. पावसाअभावी वातावरणात नागरिकांना प्रचंड उकाडा जाणवत आहे. बुधवारी नागपुरात 41.1 कमाल तापमानाची नोंद झाली. तर चंद्रपूरमध्ये 41.8 कमाल तापमानाची नोंद झाली. नागपूरसह चंद्रपूर, वर्धा,भंडारा, गोंदिया आणि गडचिरोली जिल्ह्यांनाही पावसाची प्रतीक्षा आहे.

पुण्यातील आळंदीतून अलिबागला फिरायला आलेल्या तरुणाचा समुद्रात बुडून मृत्यू झाला आहे. अविनाश शिंदे असे मृत तरुणाचे नाव आहे. तो मूळचा औरंगाबाद येथील रहिवासी आहे.

शिखर बँक घोटाळा प्रकरणातअतिरिक्त क्लोजर रिपोर्टला ज्येष्ठ समाजसेवक अण्णा हजारे आव्हान देणार आहेत. या प्रकरणी अण्णा हजारे निषेध याचिका दाखल करणार आहेत. अण्णा हजारे आणि माणिकराव जाधव यांच्या वकिलांनी पोलिसांच्या अतिरिक्त क्लोजर रिपोर्टवर आक्षेप घेतला.

शरद पवार दुष्काळी प्रश्नावर मुख्यमंत्री एकनाथ शिंदे, उपमुख्यमंत्री देवेंद्र फडणवीस यांची लवकरच भेट घेणार आहेत. या भेटीमध्ये राज्यातील दुष्काळ परिस्थितीबद्दल चर्चा करण्यात येणार आहे. अद्याप या दोन्ही नेत्यांच्या भेटीची वेळ मिळाली नसल्याची माहिती समोर आली आहे.B