राज्यात विधानसभा निवडणूकीची रणधुमाळी सुरू आहे. कुणाला किती जागा मिळणार यावरून मविआ आणि महाविकास आघाडीत अद्याप संपूर्ण चित्र स्पष्ट नाही. त्यात आता गेवराई विधानसभा मतदारसंघात पंचरंगी लढत होणार आहे. कारण भाजप आमदार लक्ष्मण पवार यांनी अपक्ष निवडणूक लढणार असल्याचा निर्णय घेतला आहे.
भाजपचे आमदार लक्ष्मण पवार यांनी शुक्रवारी आपला निर्णय जाहीर केला आहे. ना भाजप ना महाविकास आघाडी आपण बीडच्या गेवराई मतदारसंघातून अपक्ष निवडणूक लढवणार आहोत, असा निर्णय त्यांनी कार्यकर्त्यांच्या बैठकीत जाहीर केलाय.
राष्ट्रवादी शरद पवार गटाच्या वाटेवर असणारे लक्ष्मण पवार हे भाजपचे आमदार आहेत. त्यांनी काही दिवसांपूर्वीच आपल्या कार्यालयावरील भाजपचे चिन्ह काढले आहे. त्यानंतर त्यांनी शरद पवारांची भेट घेतल्याची देखील चर्चा आहे. मात्र गेवराई विधानसभा मतदारसंघाची जागा ही शिवसेना उद्धव ठाकरे गटाला गेली आणि त्या ठिकाणी बदामराव पंडित यांची उमेदवारी जाहीर करण्यात आली. यामुळे आता लक्ष्मण पवार यांनी आपला निर्णय बदलला असून आता ते अपक्ष निवडणूक लढवणार आहेत, असं जाहीर केलंय.
त्यामुळे आता एकंदरीत गेवराईमध्ये पंचरंगी लढत होण्याची शक्यता वर्तवली जात आहे. महायुतीकडून विजयसिंह पंडित, महाविकास आघाडीकडून बदामराव पंडित, अपक्ष लक्ष्मण पवार, वंचित बहुजन आघाडीकडून प्रियंका खेडकर, महाराष्ट्र नवनिर्माण सेनेकडून मयुरी खेडकर, अशी पंचरंगी लढत होताना दिसणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.