Buldhana : पुलाचा खड्डा बनलाय मृत्युचा सापळा, भेंडवळ- खामगाव रस्त्यावरील स्थिती; ग्रामस्थ आंदाेलनाच्या तयारीत

Buldhana News :

बुलढाणा जिल्ह्यातील भेंडवळ ते खामगाव रस्त्यावर पुलाचा खड्डा बनल्याची स्थिती निर्माण झालेली आहे. हा खड्डा म्हणजे मृत्युचा सापळा असल्याचे म्हटले जात आहे. या ठिकाणी दररोज अपघात घडत आहे. यामुळे आता ग्रामस्थ आंदोलनाच्या तयारीत आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

गेल्या 4 वर्षांपासून खामगाव ते चांगेफळ रस्त्याचे काम सार्वजनिक बांधकाम विभागाच्या वतीने सुरु आहे. हे काम अद्याप पूर्ण झाले नाही. ठिकठिकाणी पुलाचे अर्धवट काम झाले आहे. या ठिकाणी सध्या काम बंद आहे. संग्रामपूर ते खामगाव असा हा रस्ता असून भाजप आमदार संजय कुटे यांचे पूर्णतः याकडे दुर्लक्ष झाल्याचे ग्रामस्थांचे म्हणणे आहे.

भेंडवळ नजीक या रस्त्यावरील पुलाचे काम अर्धवट ठेवून तिथे मोठा खड्डा तसाच ठेवला आहे. त्या खड्ड्यात दुचाकी व चारचाकी स्वार याचे अनेक अपघात झाले आहेत. या अपघातात 5 ते 6 जण दगावलेत तसेच अनेकाना अपंगत्व आले आहे. (Maharashtra News)

ग्रामस्थांनी बऱ्याच वेळा निवेदने दिली मात्र त्याच्याकडे संबधित विभागाने दुर्लक्ष केले आहे. आता जर दोन दिवसात या रस्त्यावरील पुलाचे अर्धवट कामे पूर्ण केली नाही तर रस्त्यावर उतरून उग्र आंदोलन करण्यात येईल असा इशारा ग्रामस्थांनी दिला आहे.

Edited By : Siddharth Latkar