Bharatshet Gogawale Profile : अखेर तो दिवस आला! भरत गोगावलेंना मंत्रि‍पदाची लॉटरी, फडणवीस सरकारमध्ये कोणतं खातं मिळणार?

Bharat Gogawale cabinet minister of maharashtra : भरत गोगावले हे महाड मतदारसंघातून शिवसेनेकडून विधानसभेवर चौथ्यांदा आमदार म्हणून निवडून आले आहेत. सरपंच ते आमदारपदापर्यंत मजल मारणारे भरत गोगावले यांना फडणवीस सरकारमध्ये मंत्रिपद मिळाले आहे. भरत गोगावले यांना २०१९ आणि २०२२ मध्ये मंत्रिपदाने हुलकावणी दिली होती. ठाकरे आणि शिंदेंच्या सरकारमध्ये त्यांना मंत्रिपद मिळाले नव्हते. आता ते मंत्री म्हणून शपथ घेणार आहेत. त्यांच्याकडे एसटी महामंडळाचे अध्यक्षपद आहे. सरपंच म्हणून भरत गोगावले यांच्या राजकीय करिअरला सुरूवात झाली होती. आता ते मंत्रिपदाची शपथ घेत आहेत.

भरत गोगावले यांनी गावातून राजकीय करिअरला सुरूवात केली होती. पिंपळवाडी गावाच्या सरपंचपदी गोगावले यांची बिनविरोध निवड झाली होती. त्यावेळी राज्यात काँग्रेसचे सरकार होते. 1992 मध्ये गोगावले यांनी पंचायत समिती पदासाठी काँग्रेसकडून तिकीटही मागितले होते. पण गोगावलेंना तिकीट नाकारण्यात आले होते. त्यावेळी त्यांनी अपक्ष निवडणुकीच्या रिंगणात उतरण्याचा निर्णय घेतला होता.

काँग्रेसने तिकीट नाकारल्यानंतर भरत गोगावले यांनी शिवसेनेत प्रवेश केला होता. भरत गोगावले यांनी शिवसेनेकडून दोन वेळा जिल्हा परिषदेची निवडणूक लढवली अन् जिंकली होता. त्यावेळी महाराष्ट्राच्या राजकारणात शिवसेनेने कात टाकली होती. त्याचवेळी भरत गोगेवाल यांनी रायगडमधून आपला ठसा उमटवला.

२००९ मध्ये शिवसेनेने भरत गोगावले यांना महाड विधानसभा मतदारसंघातून विधानसभेचे तिकीट दिले होते. त्यावेळी भरत गोगेवाल यांनी दणदणीत विजय मिळवला होता. २०१४, २०१९ आणि २०२४ मध्येही भरत गोगावले यांनी महाडमध्ये एकतर्फी विजय मिळवत आपले वर्चस्व सिद्ध केले होते.

२०१९ मध्ये उद्धव ठाकरेंच्या मविआ सरकारमध्ये भरत गोगावले यांना मंत्रिपद मिळेल, अशी शक्यता वर्तवण्यात आली होती. पण एनसीपीमुळे गोगावलेंचं तिकीट कापण्यात आले होते. त्यानंतर गोगावले नाराज झाले होते. भरत गोगेवाले यांनी शिसेना फूटीत मोलाची भूमिका बजावली होती. गुवाहटीमधून भरत गोगेवाल यांना शिंदेंनी प्रतोद म्हणून नियुक्त करण्यात आले होते. शिंदेंनी सरकार स्थापन केल्यानंतरही गोगावलेंना मंत्रिपदाने हुलकावणी दिली होती.

नाराजी दूर करण्यासाठी शिंदेंनी गोगावले यांच्याकडे एसटी महामंडळाचे अध्यक्षपद दिले होते. आता पुन्हा एकदा महायुतीची सत्ता स्थापन झाली. शिंदेंनी भरत गोगावले यांना मंत्रिपद दिलेय. आज ते मंत्रिपदाची शपथ घेणार आहेत. पण त्याआधीच रायगडच्या पालकमंत्रिपदावरून पुन्हा एकदा तटकरे कुटुंबासोबत कुटता आल्याचे दिसतेय. गोगावले यांनी शपथविधीआधीच रायगडच्या पालकमंत्रिपदावर दावा ठोकलाय.