भंडारा : पूर्ववैमनस्यातून 35 वर्षीय युवकाची 4 ते 5 आरोपींनी धारधार शस्त्राने वार करत हत्या केल्याची धक्कादायक घटना भंडारा (Bhandara) जिल्ह्याच्या कारधा (Kardha) पोलिस स्टेशन हद्दीत येणाऱ्या आमगावात घडली आहे. सम्यक मनोज मेश्राम (वय 35) असे हत्या झालेल्या तरुणाचे नाव असून सचिन ऊके (वय 30) वर्ष असे पोलिसांच्या हाती लागलेल्या आरोपीचे नाव आहे. आरोपी सचिनने कारधा पोलिसांना शरण आला असून अन्य आरोपी फरार असून कारधा पोलिस त्यांचा शोध घेत आहेत.
हे देखील पाहा :
मृत सम्यक याचा आरोपी सचिनशी एका जुन्या विषयामुळे वाद सुरु होता. या वादातून त्यांचे अनेकदा खटकेही उडाले होते. अखेर त्यांच्यातील हा वाद विकोपाला जाऊन सचिन ने सम्यक मेश्राम याला संपवण्याचा कट रचला. आज संध्याकाळी मोटारसायकलवर घरी निघालेल्या सम्यक मेश्रामला एकटे गाठून आरोपी सचिन ऊके व त्याच्या अन्य साथीदारांनी गुप्ती, तलवार व रॉडच्या सहाय्याने सम्यकचा खून (Murder) केला.
घटनेनंतर सर्व आरोपी सुरुवातीला फरार झाले होते. मात्र, या गुन्ह्यातील मुख्य आरोपी सचिन ऊके कारधा पोलिसांना शरण आला. कारधा पोलिसांनी घटनेचे गांभीर्य लक्षात घेत आरोपी सचिन ऊके विरोधात हत्येचा गुन्हा नोंद करत त्याला अटक केली असून अन्य फरार आरोपींचा शोध सुरु आहे. आमगावात (Amgaon murder Bhandara) घडलेल्या या घटनेने गावात दहशतीचे वारावरण पसरले आहे.
Edited By : Krushnarav Sathe
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
