Beed: रंगला अश्व रिंगण सोहळा; संतश्रेष्ठ नामदेव महाराज पालखीचे जल्लोषात स्वागत

बीड : हिंगोली जिल्ह्यातील नर्सिंनामदेव महाराज पालखीचे बीडच्या जवळबन येथे आज सकाळी वाजत गाजत जंगी स्वागत करण्यात आले. यावेळी मराठवाड्यातील (Ashadhi Wari) ग्रामीण भागातील पहिला अश्व रिंगण सोहळा जवळबन गावात संपन्न झाला आहे. (Beed news ashadhi wari Welcome to Santshrestha Namdev Maharaj Palkhi)

गावातील (कै.) निवृत्त सोपानराव करपे यांनी 1995 साली संतश्रेष्ठ नामदेव महाराजांच्या दिंडीची गावात (Beed News) सुरुवात केली. ती आजतागायत सुरू आहे. कोरोनाच्या (Corona) दोन वर्षाच्या खंडानंतर आज गावात दिंडीचे ठिकठिकाणी स्वागत करण्यात आले आहे. यामुळे गावात चैतन्‍यमय वातावरण निर्माण झाले आहे.

युसुफवडगाव येथे मुक्‍काम

फुगडी, वारकऱ्यांचे रिंगण अश्या विविध कार्यक्रमाने गावकऱ्यांच्या डोळ्याचे पारणे फेडले आहे. यामुळे गावात अगदी भक्तिमय वातावरण निर्माण झाले होते. गावातील हनुमान मंदिरात कीर्तन, भजन करून महाप्रसाद घेऊन ही पालखी पुढे युसुफवडगाव येथे मुक्काम करणार असून शुक्रवारी पंढरपूरसाठी मार्गस्थ होणार असल्याची माहिती वारकऱ्यांनी दिली आहे.