बीडमध्ये बापलेकाने मुलींचा विनयभंग केल्याची धक्कादायक घटना समोर आली आहे. बीडच्या केज तालुक्यातील एका गावात नववीमध्ये शिक्षण घेत असलेल्या अल्पवयीन मुलीचा पाठलाग करत तिचा विनयभंग करण्यात आला. 'तू माझ्याशी बोलली नाहीस तर मी आत्महत्या करीन. तुझ्या आई-वडिलांनाही मारीन.', अशी धमकी देत तिचा विनयभंग करण्यात आला. या प्रकरणी निखिल कांबळे या तरुणाविरोधात गुन्हा दाखल करण्यात आला आहे. तर या तरुणाच्या वडिलांनी देखील एका शाळकरी मुलीचा विनयभंग केल्याची धक्कादायक माहिती समोर आली आहे.
नववीमध्ये शिकणाऱ्या अल्पवयीन शाळकरी मुलीचा गेल्या १५ दिवसांपासून आरोपी तरुणाकडून विनयभंग केला जात होता. हा तरुण या मुलीचा दुचाकीवरून पाठलाग करत होता. शेवटी ४ जुलै रोजी त्याने या मुलीला रस्त्यात अडवत धमकावले. इतकंच नाही तर मुलीच्या घरचे त्याला जाब विचारण्यासाठी गेले असता एका महिलेला देखील त्याने मारहाण केल्याचा प्रकार समोर आला आहे. याप्रकरणी केज पोलिस ठाण्यात गुन्हा दाखल करण्यात आला आहे.
गेल्या आठ दिवसांतील केज पोलिस ठाण्याच्या हद्दीतील महिला अत्याचाराची ही तिसरी घटना आहे. वाल्मीक कराडचा समर्थक असलेल्या नानासाहेब चौरेने गतिमंद मुलीवर बलात्कार केला होता. तर बाळू कांबळेने गतिमंद तरुणीचा विनयभंग केला होता. यानंतर बाळू कांबळेचा मुलगा निखिल कांबळेने शाळकरी मुलीचा विनयभंग केल्याचा धक्कादायक प्रकार आता समोर आला. धक्कादायक बाब म्हणजे आरोपी निखिल कांबळेचा वडील बाळासाहेब कांबळे याच्याविरोधात देखील २ दिवसांपूर्वीच एका गतिमंद तरुणीच्या विनयभंगाचा गुन्हा दाखल झाला होता.म
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.