Beed : धनंजय मुंडे-वाल्मीक कराड सोबत गुन्हेगारी करायचे? २००७ मधील FIR व्हायरल

योगेश काशिद, साम टीव्ही प्रतिनिधी

Beed Latest News : माजी मंत्री धनंजय मुंडे आणि अटकेत असलेला वाल्मीक कराड एकत्र गुन्हेगारी करायचे का? असा सवाल राज्यात विचारला जातोय. कारण, २००७ मधील एक एफआयआर कॉपी सध्या सोशल मिडियावर व्हायरल होत आहे. संतोष देशमुख हत्या प्रकरण आणि खंडणीप्रकरणात वाल्मीक कराड सध्या अटकेत आहेत. वाल्मीक कराड यांच्या अटकेनंतर धनंजय मुंडे यांच्यावर गंभीर आरोप करण्यात आले. धनंजय मुंडे यांनी मंत्रि‍पदाचा राजीनामा दिला.

वाल्मीक करडा आपला खास माणूस असल्याचं धनंजय मुंडे यांनी भर कार्यक्रमात सांगितले होते. वाल्मीक कराड यांच्यावर धनंजय मुंडे यांना अनेकदा टार्गेट करण्यात आले होते. पण आता २००७ मधील एक एफआयआर बीडमध्ये व्हायरल होत आहे. त्यामध्ये धनंजय मुंडे आणि वाल्मीक कराड यांच्या नावाचा समावेश आहे. सोशल मिडियावर वाऱ्याच्या वेगाने हा एफआयआर व्हायरल होतोय. किशोर फड यांना जिवे मारण्याची धमकी दिल्याप्रकरणी धनंजय मुंड आणि वाल्मीक कराड यांच्यावर एफआयआर दाखल करण्यात आला होता. हा एफआयआर आता सोशल मीडियावर व्हायरल होत आहे.

बीड जिल्ह्यात सध्या सोशल मीडियावर १८ एप्रिल २००७ रोजीचा FIR व्हायरल झाला आहे. या व्हायरल होत असलेल्या FIR सोबत एक मॅसेज देखील व्हायरल होतोय. वाल्मीक कराड आणि धनंजय मुंडे हे दोघे सोबत गुन्हेगारी करत असल्याचा पुरावा असल्याचं म्हटलं जातेय. 2007 मध्ये किशोर फड याला जिवे मारण्याच्या आणि गाडी जाळल्याच्या प्रकरणात दोघे आरोपी आहेत, असंही नमूद करण्यात आलेलं आहे.

तर माझा आणि वाल्मीक कराडचा संबंध नाही असे धनंजय मुंडे म्हणाले होते. धनंजय मुंडे आणि वाल्मीक कराड हे दोघे सोबत गुन्हेगारी करत असल्याचा हा पुरावा आहे, असा मेसेज व्हायरल होत आहे. धनंजय मुंडे आणि वाल्मीक कराड सोबत गुन्हे करायचे का? असा प्रश्न उपस्थित केला जातोय.

बीडमध्य एकीकडे हा एफआयआर आणि मॅसेज व्हायरल होतोय तर दुसरीकडे संतोष देशमुख हत्या प्रकरणात धनंजय मुंडे यांना सह आरोपी करण्याची मागणी जोर धरू लागली आहे. यामुळे धनंजय मुंडे यांना संतोष देशमुख हत्या प्रकरणात सह आरोपी केलं जातं का? याची बीडमध्ये चर्चा सुरू आहे.