Baramati Politics: बारामतीमध्ये शरद पवार यांची सांगता सभा, संपूर्ण कुटुंब सभास्थळी उपस्थित; पाहा VIDEO

विधानसभा निवडणुकीच्या प्रचाराची तोफ अवघ्या काही वेळात थंडावणार आहेत. त्यामुळे सर्वच राजकीय पक्षांकडून प्रचाराचा थडाका सुरू होता. आता सर्वच पक्षांच्या शेवटची सभा सध्या सुरू आहे. बारामतीमध्ये शरद पवार यांची सांगता सभा होणार आहे. बारामती लोकसभा मतदारसंघाचे शरद पवार गटाचे उमेदवार युगेंद्र पवार यांच्यासाठी शरद पवार ही सांगता सभा घेणार आहेत.

या सभेसाठी शरद पवार यांच्या कुटुंबीयातील सर्वच व्यक्ती उपस्थित राहिले आहेत. युगेंद्र पवार हे सभास्थळी पोहचले आहेत. प्रतिभा पवार या देखील सभेसाठी उपस्थित राहिल्या आहेत. युगेंद्र पवार यांच्या आई शर्मिला पवार आणि सुप्रिया सुळे यांची मुलगी रेवती सुळे या सभास्थळी दिसत आहेत. या सभेमध्ये शरद पवार नेमकं कया मार्गदर्शन करणार याकडे संपूर्ण राज्याचे लक्ष लागले आहे.

दरम्यान, बारामतीमध्ये काका विरुद्ध पुतण्या अशी लढत होणार आहे. युगेंद्र पवार यांच्याविरोधात अजित पवार अशी लढत होणार आहे. युगेंद्र पवारांसाठी शरद पवार, सुप्रिया सुळे, रोहित पवार, रेवती सुळे यांनी जोरदार प्रचार केला. संपूर्ण मतदारसंघ यांनी पिंजून काढला. तर दुसरीकडे अजित पवारांसाठी देखील जय पवार आणि पार्थ पवार प्रचारासाठी मैदानात उतरले होते. त्यामुळे या मतदारसंघातून कोण बाजी मारतंय याकडे सर्वांचे लक्ष लागले आहे.