Akola News Today: अकोल्यातून एक मोठी बातमी समोर आली आहे. भाजपचे अकोल्यातील विधान परिषद आमदार वसंत खंडेलवाल यांना लुटण्याचा प्रयत्न झाला आहे. ही घटना रात्री 10.05 वाजता गोरक्षण मार्गावरील खंडेलवाल भवनसमोर घडली आहे. आमदार वसंत खंडेलवाल हे अकोला-वाशिम-बुलढाणा स्थानिक स्वराज्य संस्था मतदारसंघातील भाजपचे आमदार आहेत. (Latest Marathi News)
एका ऑटोचालकाने खंडेलवाल यांच्याशी हुज्जत घालत त्यांचा मोबाइल हिसकावण्याचा प्रयत्न केला. आमदार खंडेलवाल हे रात्री गांधी रोडवरील आपल्या सोन्याच्या दुकानातून काम आटोपून आपल्या निवासस्थानी जात होते.
घरी परतीच्या मार्गावर असताना अगदी घराजवळ रस्त्याच्या मधोमध एक रिक्षा उभी होती. गाडीचा हॉर्न वाजवूनही ऑटोचालकाने ऑटो बाजूला केला नाही म्हणून खंडेलवाल हे खाली उतरले, त्याला याबाबत विचारणा केली असता ऑटोचालकाने हुज्जत घातली. त्यानंतर आमदारांनी रिक्षाचे फोटो काढायला सुरुवात केली, त्यावेळी चक्क रिक्षावाल्याने त्यांच्याकडून मोबाइल हिसकावून घेतला. (Akola News)
ऑटोचालकासोबत आणखी दोन लोक असल्याची माहिती आमदार वसंत खंडेलवाल यांनी सांगितले. खंडेलवाल गांधी रोडवरील आपल्या सराफा दुकानातून खंडेलवाल भवनामागील आपल्या घरी सोने खरेदी-विक्रीची रक्कम घरी घेऊन जात असताना हा प्रकार घडला आहे.
हा वाद स्थानिक नागरिकांच्या निदर्शनास पडला. लागलीच स्थानिक नागरिकांनी मध्यस्थी केली आणि रिक्षाचालकाला समजावलं. आपण वाद घालत असलेला समोरील व्यक्ती आमदार असल्याचे रिक्षाचालकाला समजले. या दरम्यान ऑटोचालकाच्या हातातून मोबाइल (Mobile) खाली पडला आणि आमदार मोबाइल उचले पर्यंत ऑटोचालक तिथून फरार झाला होता.
या संदर्भात खंडेलवाल यांना विचारणा केली असता शहरात गेल्याच आठवड्यात घडलेल्या हिंसाचारा नंतर असा प्रकार होणे धक्कादायक असल्याचे ते म्हणाले. दरम्यान आमदार वसंत खंडेलवालांनी याप्रकरणी खदान पोलिसात (Police)तक्रार दाखल केली आहे. या घटनेबाबत रात्री उशिरापर्यंत गुन्हा दाखल करण्याची प्रक्रिया सुरु होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
