नवनीत तापाडिया, साम टिव्ही
औरंगाबाद : राज्यभरात आज बैलपोळ्याचा सण (Bail Pola Festival) उत्सवात साजरा केला जात आहे. आपल्या सर्जा राज्याला सजवून बळीराजा पोळा सण साजरा करीत आहे. अशातच औरंगाबाद (Aurangabad) जिल्ह्यातील पैठण तालुक्यातून एक धक्कादायक प्रकार समोर आला आहे. बैलपोळ्याच्या सणात दोन गटांमध्ये तुंबळ हाणामारी झाली. या घटनेचा व्हिडिओ सोशल मीडियावर व्हायरल झाला आहे. (Bail Pola Festival Marathi News)
प्राप्त माहितीनुसार, बैलपोळा फोडण्यावरून हाणामारी झाल्याचं समोर आलं आहे. पैठण तालुक्यातील कोळीबोडखा गावात हा प्रकार घडला आहे. दोन गटात झालेल्या हाणामारीचा व्हिडिओ (Viral Video) सोशल मीडियावर व्हायरल झाला आहे. (Aurangabad News Today)
कोळीबोडखा येथे पोळा फोडण्यावरुन दोन गटात जोरदार बाचाबाची झाली. त्यानंतर या बाचाबाचीचं रुपांतर हाणामारीत झालं. विशेष म्हणजे या दोन गटात हाणमारी सुरू झाली असता बंदोबस्त असणाऱ्या पोलीस कर्मचाऱ्यांनाही या घटनेत जोरदार धक्काबुकी करण्यात आल्याचा प्रकार व्हिडीओमध्ये कैद झाली आहे. (Paithan Todays News)
दरम्यान, पोलिसांनी वेळेवर मध्यस्थी करून या दोन गटांचा वाद मिटवला. या सर्व प्रकारामुळे परिसरात तणावाचं वातावरण निर्माण झालं होतं. दरम्यान, पोलिसांनी मध्यस्थी केल्यानंतर बैलपोळा फुटला. शेतकऱ्यांनी आपल्या लाडक्या बळीराजाला पुरणपोळी सुद्धा चारली. हा वाद वगळता पैठण तालुक्यात बैलपोळ्याचा सण उत्सवात साजरा झाला.
Edited By - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.