Buldhana: नगरपरिषद कार्यालय जळगाव जामोद येथे विविध मागण्यासाठी लक्षवेधी आंदोलन

बुलढाणा - गेल्या अनेक दिवसांपासून जळगाव जामोद (Jalgaon Jamod) शहरामध्ये समस्यांचा खच वाढला आहे. याकडे नगरपरिषदेचे पूर्णतः दुर्लक्ष झाल्याने प्रशासनाच लक्ष वेधण्यासाठी विविध प्रश्न घेत नागरिकांनी आंदोलन केले. यामध्ये शहरामध्ये रस्त्यावर मोकाट फिरणाऱ्या जनावरांमुळे नागरिकांना मोठा त्रास सहन करावा लागत आहे.

हे देखील पाहा -

मागील वर्षी या जनावरांमुळे दोन-तीन लोकांन आपला जीव सुद्धा गमवावा लागला होता. त्यामुळे मोकाट जनावरांचा बंदोबस्त करणे महत्त्वाचे असल्याचे नागरिकांचे म्हणणे आहे. तर शहरातील सर्व महापुरुषाच्या पुतळ्याच्या ठिकाणी घाणीचे साम्राज्य निर्माण झाले आहे. ती घाण स्वच्छ करावी, आणी शाळा क्रमांक २ मध्ये सीसीटीव्ही (CCTV) कॅमेरे व साफसफाई कर्मचारी उपलब्ध करून द्यावे.

ह्या मागण्यांकरिता नागरिकांनी अनेक वेळा तोंडी तसेच लेखी निवेदन देऊन सुद्धा याकडे दुर्लक्ष केले आहे. त्यामुळे या झोपलेले नगरपरिषद प्रशासनला जाग यावी यासाठी जळगावजामोद शहरातून युवकांनी मोर्चा काढून आंदोलन केले व नगरपालिकेचे लक्ष वेधले.