Sangli News : खासदार ब्रिजभूषणशरण सिंह (Brij Bhushan Sharan Singh Latest Marathi News) यांच्यावर लैंगिक शोषण प्रकरणी गुन्हा दाखल असूनही अद्याप त्यांच्या कारवाई करण्यात न आल्याने दिल्लीतील आंदोलक कुस्तीगिरांच्या पाठीशी महाराष्ट्रातील क्रीडापटू, संघटक उभे राहिले आहेत. आज सांगली येथे सिंह यांच्यावरील कारवाईसाठी क्रीडापटूंनी आंदाेलन छेडले. (Maharashtra News)
खासदार ब्रिजभूषणशरण सिंह यांच्यावर कारवाई करण्यासाठी संपूर्ण देशभर राष्ट्रीय खेळाडूंकडून आंदोलन होत आहे. मात्र, अद्यापही त्याची दखल घेतलेली दिसत नाही. सांगलीत आज (साेमवार) क्रीडाप्रेमींनी ब्रिजभूषण यांच्यावर कारवाई करण्याची मागणी करत त्यांच्या प्रतिकात्मक पुतळ्याचे दहन करत आंदोलन केले.
शिवछत्रपती पुरस्कार प्राप्त राज्य क्रीडा संघटक संजय भोकरे यांच्या नेतृत्वात हे आंदोलन करण्यात आले. यावेळी सिंह यांच्या विरोधात जोरदार घोषणाबाजी करून आंदाेलकांनी परिसर दणाणून सोडला.
यावेळी अयोध्या दौरा करणाऱ्या राज ठाकरेंना याच ब्रिजभूषण यांनी विरोध केला होता. आता राज ठाकरेंनी दिल्ली मधील आंदोलन स्थळी भेट देऊन त्यांना पाठिंबा दिला पाहिजे अशी मागणी यावेळी संजय भोकरे यांनी केली. सांगलीतील श्री. अंबाबाई तालीम संस्थेच्या क्रीडांगणावर आजचे आंदोलन झाले. या आंदोलनात खेळाडूंसह, कुस्तीपट्टू, क्रीडा प्रशिक्षक सहभागी झाले होते.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
