मुंडेंच्या आशिर्वादाने बीडमध्ये भूमाफीया? 'शेतकऱ्यांना छळलं, जमिनी लाटल्या', दमानिया नवी फाईल उघडणार?

भरत मोहोळकर, साम टीव्ही

बीड : बीडमधील गुन्हेगारीचे किस्से संपता संपत नाहीयेत. वाल्मिक कराडनंतर आता राजेंद्र घनवटच्या दहशत आणि छळवणूकीचा सातबारा अंजली दमानियांनी समोर आणलाय. बीडमधील शेतकऱ्यांना धमकावून, छळ करुन आणि गुन्हे दाखल करत जमिनी लाटल्याचा आरोप दमानियांनी केलाय. तर कराडनंतर घनवटही धनंजय मुंडेंचा निकटवर्तीय असल्यानं दमानियांनी मुंडेंची कोंडी करणारी आणखी एक फाईल उघडलीय.

दमानियांनी आरोप केलेला राज घनवट नेमका कोण आहे? पाहूयात

राजेंद्र घनवट धनंजय मुंडेंचे निकटवर्तीय

मुंडेंच्या पत्नी आणि राजेंद्र घनवट व्यंकटेश्वरा कंपनीचे संचालक

बीडमधील शेतकऱ्यांचा छळ, कमी किमतीत जमिनी लाटल्याचा आरोप

विरोधात लढणाऱ्या 9 शेतकऱ्यांवर घनवटांकडून खोटे गुन्हे

मृत व्यक्तीला जिवंत दाखवून जमिनीचे व्यवहार केल्याचा आरोप

वाल्मिक कराडनंतर राजेंद्र घनवटचे कारनामे समोर आल्याने मुंडेंच्या अडचणी वाढण्याची शक्यता आहे. मात्र आतापर्यंत राजेंद्र घनवट शेतकऱ्यांचा आणि महिलांचा छळ करत असताना त्याला पोलीस पाठीशी का घालत होते? पोलिसांवर राजकीय दबाव होता का? शेतकऱ्यांवर खोटे गुन्हे दाखल करणाऱ्या पोलिसांचीही चौकशी करुन या प्रकरणात दूध का दूध आणि पानी का पानी करण्याची गरज आहे.