Anganwadi Sevika Strike: अंगणवाड्यांना टाळं, सेविकांचे मुळशी पंचायत समितीवर साखळी आंदोलन

Maval News :

विविध मागण्यांच्या पू्र्ततेसाठी मुळशी तालुक्यातील अंगणवाडी सेविकांनी (Anganwadi Sevika) मुळशी पंचायत समिती कार्यालयासमोर साखळी आंदाेलन सुरु केले आहे. जोपर्यंत मागण्या मान्य होत नाहीत, तोपर्यंत मुळशी तालुक्यातील एकही आंगणवाडी सुरू करू देणार नाही, अशी भूमिका अंगणवाडी सेविकांनी घेतली आहे. (Maharashtra News)

शासनाने अंगणवाडी सेविकांना ग्राजुटी दयावी व मानधन न देता सरकारी वेतनसहित पेंशन योजना लागू करावी. वीस हजार मदतनीस तर 26 हजार सेविकांना मानधन मिळाले पाहिजे या प्रमुख मागणीसाठी मुळशी तालुक्यातील 350 अंगणवाडी सेविका आणि मदतनीस यांनी आंदोलन पुकारले आहे.

मुळशी तालुक्यातील बहुतांशी अंगणवाड्या बंद ठेवून या अंगणवाडी सेविकेंनी शिंदे सरकारच्या नावाने मुळशी पंचायत कार्यालयासमोर बोंबा बोंब आंदोलन केले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अंगणवाडी सेविकांना सव्वीस हजार रुपये, तर मदतनीसांना वीस हजार रुपयांचे वेतन द्यावे, अशी मागणी त्यांनी केली आहे. जोपर्यंत मागण्या मान्य होत नाहीत, तोपर्यंत मुळशी तालुक्यातील एकही आंगणवाडी सुरू करू देणार नाही, अशी भूमिका यावेळी घेण्यात आली.

Edited By : Siddharth Latkar