अंबादास दानवेंच्या कॅशबॉम्बनं महायुतीत मोठी खळबळ.
शिंदेसेनेकडून व्हिडीओचे धागेदोरे तटकरे ते मातोश्रीपर्यंत असल्याचा आरोप.
महेंद्र थोरवेंनी केलेल्या आरोपामुळे वाद अधिक चिघळला.
अंबादास दानवेंच्या कॅशबॉम्बचे तीव्र पडसाद उमटायला सुरुवात झालीय. अंबादास दानवेंनी पोस्ट केलेला व्हिडीओ एआयच्या माध्यमातून मॉर्फ केल्याचा दावा शिंदेसेनेचे मंत्री करत असतानाच आमदार महेंद्र थोरवेंनी मात्र व्हिडीओचे धागेदोरे थेट तटकरे ते मातोश्रीपर्यंत पोहोचल्याचा आरोप केलाय. मात्र सुनील तटकरेंसह दानवेंनीही थोरवेंचे आरोप फेटाळून लावलेत. एवढंच नाही तर व्हिडीओ तुमचा आहे की नाही? हे स्पष्ट करण्याचं आव्हानच अंबादास दानवेंनी दिलंय.
खरंतर रायगडच्या पालकमंत्रिपदावरुन गोगावले आणि तटकरेंमध्ये रस्सीखेच रंगलीय. त्यातच नगरपरिषद निवडणुकीतही थोरवे, दळवी आणि गोगावले विरुद्ध तटकरे असा संघर्ष रंगल्याचं पाहायला मिळालं. आता दानवेंच्या व्हिडीओमागे तटकरे असल्याच्या शंकेमुळे आगीत तेल ओतलं गेलंय. दुसरीकडे थोरवेंनी तटकरेंवर केलेली टीका आरोपांची दिशा बदलण्यासाठी आहे का? असा प्रश्न निर्माण झालाय. मात्र व्हिडीओ खरा असेल तर तो तटकरेंनी दिला की आणखी कुणी? यापेक्षा या प्रकरणाची चौकशी करुन कठोर कारवाई करायला हवी.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.