Akola : संभाजी ब्रिगेडच्या माजी प्रदेश कार्याध्यक्षाला महिलेकडून चोप; छेडखानी केल्याचा आरोप, पक्षातून हकालपट्टी

अक्षय गवळी 
अकोला : संभाजी ब्रिगेड पक्षाच्या माजी प्रदेश कार्याध्यक्षाला एका महिलेने चांगलाच चोप दिला आहे. दरम्यान महिलेची छेडखानी केल्याचा आरोप करीत बेदम मारहाण करण्यात आली आहे. अकोला जिल्ह्यातील मुर्तीजापुर तालुक्यात हा संपूर्ण प्रकार घडला असून पक्षाची प्रतिमा मलीन केल्याप्रकरणी पक्षातून कायमस्वरूपी बडतर्फ करण्यात आले आहे. मात्र याप्रकरणी गुन्हा दाखल नाही.

अकोल्याच्या मुर्तिजापूर तालुक्यात घडलेल्या प्रकारात संभाजी ब्रिगेडचे माजी प्रदेशाध्यक्ष असलेले डॉ. गजानन पारधी असे पक्षाने बडतर्फ करणाऱ्याचे नाव आहे. दरम्यान ब्लॅकमेलिंग, पैशाची मागणी, फोटो व्हिडिओ वायरल करण्याची धमकी, तसेच छेडखानी केल्याचा आरोप यादरम्यान महिलेने केला होता, अशी प्राथमिक माहिती समोर येत आहे. या आरोपातुन त्यांना चप्पलेचा चोप देत मारहाण झाली होती. अकोल्यातील मुर्तीजापुर पोलीस हद्दीत हा संपूर्ण प्रकार घडला होता.

पक्षातून कायमस्वरूपी हकालपट्टी 
तर पक्षाने या प्रकरणाची गंभीर दखल घेत कारवाई केली आहे. डॉ. गजानन पारधी यांच्यावर पक्षविरोधी कारवाई आणि गैरवर्तन करत पक्ष संघटनेची प्रतिमा मलीन करण्याचा प्रयत्न केल्याबद्दल कायम बडतर्फ करण्यात आले आहे. या संदर्भात पक्षाने एक अधिकृत पत्र काढत पारधी यांची पक्षातून हकालपट्टी केल्याची घोषणा केली. ते पत्र देखील आता समोर आलंय. पक्षातून हकालपट्टी केल्यानंतर महिलेकडून चप्पलचा चोप देण्यात आला होता. 

पोलिसात मात्र गुन्हा दाखल नाही 

ब्लॅकमेलिंग, पैशाची मागणी, फोटो व्हिडिओ वायरल करण्याची धमकी, तसेच छेडखानी केल्याचा आरोप यादरम्यान महिलेने केला होता, अशी प्राथमिक माहिती समोर येत आहे. असे असले तरी अद्यापपर्यंत डॉ. पारधी यांच्या विरोधात पोलीस जिल्ह्यात अथवा मुर्तीजापुर पोलीस ठाण्यात गुन्हा दाखल नाही आहे. मात्र त्यांना झालेल्या मारहाणीचा व्हिडिओ व्हायरल झाले आहे.