अहमदनगरमध्ये एक धक्कादायक घटना घडली आहे. अहमदनगरपासून जवळच असलेल्या एका शाळेत अल्पवयीन विद्यार्थिनीला शाळेच्या टेरेसवर हात-पाय आणि तोंड बांधून ठेवण्यात आलं होतं. एका अद्यात व्यक्तीने हे कृत्य केल्यामुळे खबळबळ माजली आहे. दरम्यान अहमदनगरच्या एमआयडीसी पोलीस ठाण्यामध्ये अज्ञाताविरोधात गुन्हा दाखल करण्यात आला असून त्याचा शोध घेण्यात येत आहे.
पोलिसांनी दिलेल्या माहितीनुसार, सोमवारी सायंकाळी साडेचार ते साडेपाचच्या दरम्यान एका अज्ञात व्यक्तीने संबंधित अल्पवयीन विद्यार्थिनीचे तोंड दाबून तिला शाळेच्या टेरेसवर नेलं. तिचे हात, पाय आणि तोंड बांधून टेरेसवरचं सोडून अज्ञाताने तेथून पळ काढला . दरम्यान साडेपाच वाजता टेरेसवरून आवाज येत असल्याने गावातील काही ग्रामस्थ शाळेच्या टेरेसवर गेले आणि त्यांना धक्काच बसला.
पीडित मुलगी हात- पाय बांधलेल्या अवस्थेत आढळून आली. या घटनेने परिसरात एकच खळबळ उडाली आहे. दरम्यान या मुलीला सोडवतानाचा व्हिडिओ समाज माध्यमावर व्हायरल झाला आहे. याबाबत अहमदनगरच्या एमआयडीसी पोलीस ठाण्यात गुन्हा दाखल झाला असून पोलीस पुढील तपास करत आहेत. पोलीस तपासानंतरच नेमका हा प्रकार काय आहे याची सत्यता समोर येणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
