Bachchu Kadu : सरकार किसकी भी हो.. हुकूमत हमारी होती है; नेवासा येथील सभेत बच्चू कडू यांचे वक्तव्य

सचिन बनसोडे 

नेवासा (अहिल्यानगर) : राज्यात सरकार कोणाचे बसेल हे अद्याप स्पष्ट होत नसून दावे- प्रतिदावे केले जात आहे. याच दरम्यान आमदार बच्चू कडू यांनी नेवासा येथील प्रचार सभेत सरकार किस कि भी हो.. हुकूमत हमारी होती है असे वक्तव्य केले आहे. 

नेवासा (Nevasa) मतदारसंघातील प्रहार जनशक्ती पक्षाचे उमेदवार बाळासाहेब मुरकुटे यांच्या प्रचारासाठी बच्चू कडू (Bachchu Kadu) यांची जाहीर सभा पार पडली. दरम्यान नेवासा येथील सभेला यायला उशीर झाल्याने बच्चू कडू यांनी मंचावर चढताच माईक हातात घेतला. अवघ्या तीन मिनिटांत आपले भाषण संपवले. त्यानंतर पुढच्या सभेला जाण्यासाठी मंचावरून उडी मारत बच्चू कडू यांची गाडीत बसण्यासाठी धावपळ दिसून आली.

नेवासात प्रतिस्पर्धी उमेदवार शिवसेना ठाकरे गटाचे शंकरराव गडाख यांच्या सोनई गावात पार पडलेल्या या सभेतून बच्चू कडू यांनी गडाखांवर जोरदार प्रहार करत मुरकुटे यांच्या विजयाचा विश्वास व्यक्त केला. तसेच बाळासाहेब मुरकुटे फक्त निवडणूक जिंकणार नाही, तर २० हजारांची आघाडी घेणार आहेत. सरकार किसकी भी हो.. हुकूमत हमारी होती है. आमची बॅट तयार असून मागच्या वेळी याच बॅटने गडाखांना जिंकवल. आता हीच बॅट त्यांचा घात करणार असल्याचे बच्चू कडू म्हणाले.