भयंकर घटना! चाऱ्यातून विषबाधा; शेतकऱ्याच्या ११ गाई दगावल्या

सचिन बनसोडे, साम टिव्ही

Ahamadnagar News : चाऱ्यामधून विषबाधा झाल्याने ११ गाईंचा मृत्यू तर अनेक जनावरे अत्याव्यस्थ झाल्याची धक्कादायक घटना अहमदनगर (Ahmadnagar) जिल्ह्यात घडली आहे. यामुळे शेतकऱ्यांमध्ये चिंतेचे वातावरण पसरले आहे. नेवासा तालुक्यातील लोहगाव येथील शेतकरी (Farmer) रोहिदास ढेरे यांच्या गोठ्यात लहान-मोठी २९ जनावरे आहेत. विषबाधेमुळे दोन दिवसातच त्यांच्याकडील तब्बल ११ गाया दगावल्या असून लाखो रुपयांचे नुकसान झाले आहे. (Ahmadnagar News Today)

गाईंच्या शरीरात ऑक्सलेट हे विषारी द्रव्य आढळून आल्याने विषबाधा झाल्याचे वैद्यकीय अहवालातून समोर आलंय. त्याच चारा म्हणून दिलेल्या उसात नायट्रेटचे प्रमाण आढळून आल्याने नाइट्रिक पॉयझनिंग झाल्याचे देखील निष्पन्न झालंय. गोठ्यातील जनावरे देखील अत्यवस्थ असल्याने पशुवैद्यकीय डॉक्टरांसह परिसरातील डॉक्टर इतर गायांना वाचवण्यासाठी प्रयत्नशील आहेत. (Ahmadnagar News Marathi)

जनावरांसाठी चारा म्हणून बाजारातून ऊस खरेदी करताना शहानिशा करणे गरजेचे आहे. कारण उसावर विविध विषारी द्रव्य फवारलेली असू शकतात. परिणामतः जनावरांना विषबाधा होण्याचा धोका निर्माण होतो. एकीकडे लम्पिचे संकट घोंगावत असताना दुसरीकडे विषबाधेमुळे रोहिदास ढेरे यांच्या गोठ्यात गाईंच्या मृत्यूचे तांडव बघायला मिळत असल्याने गोपालक शेतकरी धास्तावले आहेत.

Edited By - Satish Daud