- नवनीत तापडिया
Chhatrapati Sambhaji Nagar News : छत्रपती संभाजीनगर येथील आदर्श नागरी सहकारी पतसंस्थेतून कर्ज काढलेल्या कर्जदारांकडून थकीत रक्कम वसूल करण्यासाठी प्रशासन प्रयत्न करणार आहे. यामुळे ठेवीदारांच्या हाती फूल ना फूलाची पाकळी पडेल अशी शक्यता निर्माण झाली आहे. (adarsh nagari sahakari patsanstha latest news)
आदर्श नागरी सहकारी पतसंस्थेकडून गेल्या काही वर्षांमध्ये 1400 जणांनी 244 कोटींचे कर्ज उचलले. मात्र, पतसंस्थेच्या डबघाईच्या अंदाजानंतर त्यांनी हप्ते थकवले. प्रशासनाकडून आता या कर्जदारांवर लक्ष केंद्रित केले जाणार असून कमी वेळेत अधिक वेगाने कर्जाची वसुली करण्याचा निर्णय घेण्यात आल्याचे वरिष्ठ सूत्रांनी सांगितले.
त्यातून पतसंस्थेला आर्थिक रक्कम प्राप्त होऊन ठेवीदारांच्या रकमा देणे अधिक सुलभ होईल, या दिशेने प्रशासनाने कारवाई सुरू केली आहे. अधिकृतरीत्या पोलिसांनी 35 मालमत्ता शोधून काढल्या असल्या तरी हा मालमत्तेचा आकडा 80 च्या घरात जाईल, अशीही शक्यता अधिकाऱ्यांनी व्यक्त केली. या मालमत्ता जप्त करून त्यांचा लिलाव केला जाईल आणि ठेवीदारांची रक्कम परत केली जाईल, असे सांगितले जाते.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
