Accident: मालेगाव-चाळीसगाव रस्त्यावर भीषण अपघात; 6 ठार, 15 जखमी

नाशिक - मालेगांव चाळीसगाव रोडवर गिगाव फाट्यावर भीषण अपघात (Accident) घडला आहे. भाविकांना घेऊन जाणाऱ्या वाहनाला अज्ञात वाहनानं मागच्या बाजूनं धडक दिल्यानं हा अपघात झाल्याची माहिती समोर आली आहे. अपघाताच्या ठिकाणी चार जणांचा मृत्यू झाल्याची माहिती समोर आली आहे. तर 15 पेक्षा जास्त लोकं जखमी झाले असून त्यांना उपचारासाठी रुग्णालयात (Hospital) दाखल करण्यात आले आहे.

हे देखील पहा -

सर्व अपघातग्रस्त हे चाळीसगाव तालुक्यातील असून चंदनपुरी येथे खंडोबाच्या दर्शनासाठी आले होते. दर्शनानंतर परत जाताना असताना हा अपघात झाल्याची माहिती आहे. अपघातग्रस्त वाहनातून 30 जणं प्रवास करत होते. जखमींना खाजगी रुग्णालयात उपचारासाठी पाठवण्यात आले असून 6 जणांची प्रकृती गंभीर असल्याची माहिती देण्यात आली आहे. अपघात ग्रस्त लोक हे जळगाव जिल्ह्यातील चाळीसगाव तालुक्यातील मुंडखेडा या गावचे आहे.