वरझडी येथे वीज पडून शेतकऱ्याचा मृत्यू तर दोन महिला जखमी

संजय राठोड

यवतमाळ जिल्ह्यातील वणी तालुक्यातील शिरपूर पोलीस स्टेशन अंतर्गत येत असलेल्या वरझडी येथील 37 वर्षीय शेतकऱ्याचा वीज पडून मृत्यू झाला असून दोन महिला जखमी झाल्याची घटना दि 7 जुलै ला दुपारी 3 वाजताच्या सुमारास घडली आहे. शंकर गणपत लोणबले (40) असे मृत्यू झालेल्या शेतकऱ्याचे नाव असून तो वरझडी( बंडा) येथील रहिवाशी असून त्याचे याच गावात शेत आहे.

सध्या शेतीची मशागत सुरू असल्याने शेतकरी दिवसभर शेतात राबताना दिसत आहे. मात्र गेल्या काही दिवसांपासून पावसाने दडी मारल्याने शेतकरी चिंताग्रस्त झाला आहे. दि 7 जुलै ला दुपारी 3 वाजताच्या सुमारास विजेच्या कडकडाटा सह वरझडी परिसरात पावसाला सुरुवात झाली शंकर आपल्या शेतात काम करीत होता. पावसाला सुरुवात झाल्याने शेतात काम करणाऱ्या दोन महिला शेतात असलेल्या झोपडीत आसरा घेतला तर शंकर झोपडी लगतच असलेल्या झाडा खाली उभा असतांना त्याच्या अंगावर वीज कोसळली तर झोपडीत महिलांना याचा जोरदार झटका लागल्याने त्या जखमी झाल्या आहेत.

वीज पडल्याची माहिती लगत शेतात काम करीत असलेल्या काही मजुरांना कळताच त्यांनी घटना स्थळी धाव घेतली त्या तिघांना वणी येथील ग्रामीण रुग्णालयात उपचारासाठी दाखल केले असता डॉक्टराणी शंकरला मृत घोषित केले तर जखमी दोन्ही महिलांना पुढील उपचारा करिता चंद्रपूर येथे हलवलीण्यात आले आहे .