परभणी : परभणी (parbhani) नियंत्रक कार्यालयाकडून संपातील (st strike) कर्मचा-यांना वारंवार कामावर हजर होण्यासाठी आवाहन करूनही परभणी जिल्हातील चारही आगारातील एसटी कर्मचारी (msrtc employee) संपावर ठाम राहिल्याने एसटी महामंडळ प्रशासनाने ३७० कर्मचा-यांना बडतर्फ केले आहे. दरम्यान त्यापैकी ६६ जणांनी बडतर्फाची कारवाई रद्द व्हावी यासाठी प्रशासनाकडे अर्ज केले आहेत. (parbhani latest marathi news)
गेल्या चार महिन्यांपासून एसटी कर्मचारी संपावर आहेत. जो पर्यत एसटी महामंडळाचे विलिनीकरण होत नाही, तो पर्यंत माघार नाही असा पवित्रा कर्मचा-यांनी घेतला आहे. त्यामुळे महामंडळाचे लाखो रुपयांचे उत्पन्न बुडत आहे.
दरम्यान प्रवाशांचे देखील मोठ्या प्रमाणात हाल होत असल्याने सरकाराने वेळाेवेळी कठाेर पावलं उचलत कर्मचारी बडतर्फ करण्याचा निर्णय घेतला. परभणी विभागीय नियंत्रण कार्यालयाअंतर्गत येणाऱ्या जिल्हातील चार व हिंगोली (hingoli) जिल्हातील तीन अशा सात आगारातील संपातील कर्मचा-यांना उद्यापर्यंत (ता. ३१ मार्च) कामावर रुजू होण्याच्या सूचना दिल्या आहेत. त्यामुळे उद्या नेमके किती कर्मचारी सेवेत रुजू हाेतात हे पहावे लागणार आहे.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
