लातूर : लातूर जिल्ह्यात दुचाकी चोरीच्या घटनेत मोठ्या प्रमाणात वाढ झाली आहे. अशात लातूरच्या पोलीस उपअधीक्षकांच्या पथकाने दुचाकी चोरणाऱ्या दोन चोरट्यांना (Bike Theft) अटक केली आहे. या दोन्ही चोरट्यांकडून चार दुचाक्या (Bike) जप्त करण्यात आल्या आहेत. लातूर जिल्ह्यातील चोरीच्या घटनात मोठी वाढ झाल्याने लातूर (Latur) शहरचे उपविभागीय पोलीस अधिकारी जितेंद्र जगदाळे यांचे नेतृत्वात विशेष पथक तयार करण्यात आले होते. दरम्यान पोलीस स्टेशन गांधी चौक लातूर येथे दाखल मोटरसायकल चोरीच्या गुन्ह्यात चोरीस गेलेल्या मोटरसायकलचा शोध घेत असताना मिळालेल्या गोपनीय माहिती मिळाली. (2 thieves arrested for stealing 4 motorcycles; DYSP Special Squad best Performance)
हे देखील पाहा -
पोलीसांना मिळालेल्या या गोपनीय माहितीवरून औसा तालुक्यातील तुंगी येथील ३५ वर्षीय करीम पाशा अमनजी शेख आणि ३८ वर्षीय गणीपाशा अमनजी शेख यांना स्क्रॅप मार्केट परिसरातून ताब्यात घेण्यात आले. चौकशी दरम्यान त्यांनी लातूर शहरातील विविध भागातून अनेक मोटारसायकली चोरी केल्याचे कबूल केले. विविध ठिकाणाहून मोटरसायकल चोरी केल्याचे सांगून त्यांने चोरलेल्या मोटारसायकलींपैकी ४ मोटारसायकली जप्त करण्यात आलेल्या आहेत. याप्रकरणा पोलीस आणखन तपास करत आहेत.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
