Baramati Lok Sabha Constituency : 7 दिवसांत पाणी द्या, अन्यथा मतदान विसरा; जेजुरी ग्रामस्थांचा बहिष्काराचा इशारा

Baramati Lok Sabha News :

स्वयंपाकाला पाणी नाही, दैनंदिन कामासाठी पाणी नाही...साहेब आम्ही जायचं कुठं? पाण्याचा प्रश्न साेडवा अशी मागणी जेजुरी पालिकेत (jejuri nagar palika) आज (साेमवार) महिलांनी केली. दरम्यान जेजुरीचा पाण्याचा प्रश्न न सुटल्यास लोकसभा निवडणुकीत मतदानावर बहिष्कार टाकू असा इशारा जेजुरी ग्रामस्थांनी प्रशासनास दिला आहे.

'साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अवघ्या महाराष्ट्राचे कुलदैवत असणाऱ्या खंडेरायाच्या जेजुरी नगरीत पाण्याचे भीषण संकट उभे राहिले आहे. गत १० दिवसांपासून जेजुरीकर नागरिकांना पाणी मिळाले नसल्याने जेजुरीकर नागरिक संतप्त झाले आहेत. आज जेजुरीकर ग्रामस्थांनी विशेषत: महिलांनी पालिकेवर माेर्चा काढला.

येत्या सात दिवसांच्या आत पाण्याचा प्रश्न सोडवा अन्यथा येणाऱ्या लोकसभा निवडणुकीत आम्ही मतदान करणार नाही. सर्व ग्रामस्थांनी मतदानावर बहिष्कार टाकण्याचा इशारा पालिका प्रशासानस दिला. पाण्याच्या कारणावरुन पालिका प्रशासनास जेजुरीकर ग्रामस्थांच्या राेषास सामाेरे जावे लागले. (Maharashtra News)

Edited By : Siddharth Latkar